ვახტანგ პაპელიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1959 წელს; მოსკოვის ვ.ა. კუჩერენკოს სახელობის სამშენებლო კონსტრუქციების ცენტრალური ს/კ ინსტიტუტის ასპირანტურა.

1959-1962წწ. მუშაობდა ქ. ორიოლში სასოფლო მშენებლობის საკავშირო ს/კ ინსტიტუტში; 1963-1964წწ. სსრკ ქვანახშირის მრეწველობის სამინისტროს მაღაროების მშენებლობის საკავშირო საპროექტო ინსტიტუტში; 1965-1982წწ. თბილისის სონალურ ს/კ, ტიპური და ექსპერიმენტული პროექტირების ინსტიტუტში; 1975-1982წწ. იყო საინფორმაციო განყოფილების გამგე; 1983-1984წწ. მუშაობდა მოსკოვის სამოქალაქო მშენებლობის სახელმწიფო კომიტეტში სამეცნიერო კვლევისა და ნორმირების განყოფილების წამყვან სპეციალისტად; იყო 20-მდე სამეცნიერო სტატიისა და 2 გამოგონების ავტორი; იკვლევდა რკინაბეტონის კარკასული შენობების სეისმომედეგობას, ბზარწარმოქმნისა და პლასტიკური დეფორმაციების გათვალისწინებით; დიდი წვლილი აქვს შეტანილი რკინაბეტონის კარკასული შენობების სეისმომედეგობის კვლევებში, მისი კვლევების შედეგად შემუშავებული კონკრეტული რეკომენდაციები სეისმომედეგი, მაღლივი კარკასული საცხოვრებელი სახლების სამშენებლო პრაქტიკაში დაინერგა მთელი საქართველოს მასშტაბით; ტექნიკის მეცნიერებათა კანდიდატი. მიღებული აქვს სსრკ მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.475-476