აბრამ პაპისმედოვი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო ფაკულტეტი შახტმშენებლობის სპეციალობით 1958 წელს.

1958-1992წწ. მუშაობდა საპროექტო ინსტიტუტ "საქშახტპროექტში", სადაც გაიარა ყველა საფეხური რიგითი ინჟინრიდან ინსტიტუტის მთავარ ინჟინრამდე; მისი ხელმძღვანელობითა და მონაწილეობით შემუშავებულ იქნა მრავალი სამთო ობიექტის მშენებლობის პროექტი, კერძოდ: ტყიბულის, ტყვარჩელისა და ახალციხის შახტების, ჭიათურის მაღაროების, მადნეულისა და ბოლნისის სამთო მოპოვებითი კარიერების და სხვა; იყო საქართველოს პოლიტექნიკური ინსტიტუტის მიწისქვეშა სასწავლო-საწარმოო ბაზის "შახტა-ლაბორატორიის" პროექტის ავტორი, რისთვისაც ავტორთა კოლექტივთან ერთად მიენიჭა პრემია; თანაავტორია მნიშვნელოვანი ნაშრომისა "საქართველოს ბუნებრივი რესურსები და საქართველოს შახტმშენებლობის ისტორია"; 1993 წლიდან საცხოვრებლად გადავიდა ისრაელში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.477

• 1993 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  სახელმძღვანელოს შექმნისათვის ''შახტა-ლაბორატორია: უმაღლესი სკოლის სასწავლო-საწარმოო ბაზის ახალი ფორმა''
• 1990 - საქართველოს დამსახურებული ინჟინერი