პეტრე პეტრიაშვილი

დაბადების ადგილი: ქ. ჭიათურა.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1935 წელს.

1935-1936წწ. მუშაობდა "ვოლგა-დონის" არხის მშენებლობაზე სამუშაოთა მწარმოებლად; 1936-1941წწ. აბასთუმნის ობსერვატორიის მშენებლობის უფროსად; 1942-1948წწ. ადიგენის რაისაბჭოს აღმასკომის კაპიტალური მშენებლობის განყოფილების უფროსად; 1948 წლიდან პარტიულ სამუშაოზეა; 1948-1952წწ. მუშაობდა ჭიათურის საქალაქო საბჭოს აღმასკომის თავმჯდომარედ და კომპარტიის რაიკომის მდივნად; 1952-1966წწ. იყო საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენის" მმართველის მოადგილე; 1966-1973წწ. საქართველოს სასოფლო მშენებლობის სამინისტროს N1 და N6 ტრესტების მმართველი; 1973-1975წწ. გამარჯვების მეფრინველეობის ფაბრიკის მშენებლობის უფროსის მოადგილე; მნიშვნელოვანი წვლილი აქვს შეტანილი მსხვილი სამრეწველო და სასოფლო-სამეურნეო დანიშნულების ობიექტების მშენებლობაში, ამ დარგების საწარმოო ბაზის განვითარების საქმეში; დაჯილდოებულია სხვადასხვა მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.479

• საპატიო ნიშნის ორდენი
• საქართველოს დამსახურებული ინჟინერი