ნაირა გიგიტაშვილი

დაბადების ადგილი: ქ. ხაშური.

დაამთავრა თბილისის სახელმწიფო უნივერსიტეტის იურდიული ფაკულტეტი 1986 წელს.

1974-1975წწ. მუშაობდა ხაშურის საფეიქრო-საგალანტერიო ფაბრიკაში მქსოველად;1976-1977წწ. მუშაობდა თბილისის # 67-ე ბაგა-ბაღში ძიძად; 1978-1980წწ. მუშაობდა ქ. თბილისის საფეიქრო-საგალანტერიო ფაბრიკა "კომკავშირელში" მქსოველად;1986-1991წწ. მუშაობდა ქ. თბილისის პროკურატურაში, არასრულწლოვანთა შესახებ კანონების განხორციელებაზე ზედამხედველობის სამმართველოს პროკურორად. კურირებდა ქ. თბილისში არასრულწლოვანთა საქმეების გამოძიებას, ბრალდებას უჭერდა მხარს თბილისის საქალაქო სასამართლოში არასრულწლოვანთა საქმეებზე; 1991-1994წწ. მუშაობდა საქართველოს გენერალური პროკურატურის, სასამართლოებში სისხლის სამართლის საქმეთა განხილვაზე ზედამხედველობის სამმართველოს პროკურორად, ამოწმებდა განაჩენების კანონიერებას რესპუბლიკის მასშტაბით. ბრალდებას უჭერდა მხარს საქართველოს უზენაეს სასამართლოში; 1994-1999წწ. მუშაობდა საქართველოს გენერალური პროკურატურის სახელმწიფო ბრალდების მხარდამჭერი სამმართველოს უფროს პროკურორად. ბრალდებას უჭერდა მხარს საქართველოს უზენაეს სასამართლოში; 1999 -2006წწ. მუშაობდა თბილისის საოლქო სასამართლოს სისხლის სამართლის საქმეთა კოლეგიის მოსამართლედ; 2006-2009წწ. იყო თბილისის სააპელაციო სასამართლოს სისხლის სამართლის საქმეთა პალატის მოსამართლე; 2009-2012წწ. იყო თბილისის საქალაქო სასამართლოს სისხლის სამართლის საქმეთა კოლეგიის მოსამართლე; 2013 წელს (იანვრიდან ივლისამდე) მუშაობდა გორის რაიონული სასამართლოს სისხლის სამართლის საქმეთა კოლეგიის მოსამართლედ; 2013 წლის ივნისიდან არის ხაშურის რაიონული სასამართლოს მოსამართლე.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ.,  2006.-გვ.121; საქართველოს იუსტიციის უმაღლესი საბჭო: hcoj.gov.ge

• სკკპ , წევრი (1980-1990)