დავით ჟორჟოლიანი

დაბადების ადგილი: სოფელი მეორე ობჩა, ბაღდათის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1938 წელს.

1939-1940წწ. მუშაობდა ქ. სევასტოპოლში, სანაპირო დაცვისა და საფორტიფიკაციო დანიშნულების ობიექტებზე ინჟინრად; 1940-1941წწ. ფინეთში, ხანკოს ნახევარკუნძულზე, საფორტიფიკაციო ობიექტების მშენებლობაზე ინჟინერ-კაპიტნის წოდებით; 1941-1944წწ. იყო მოქმედ არმიაში, სამხედრო გემ "იოსებ სტალინის" ეკიპაჟის შემადგენლობაში; მისი ჩაძირვის შემდეგ იბრძოდა ლენინგრადის ფრონტზე; 1944 წლიდან მუშაობა დაიწყო ქ. წყალტუბოში, საკურორტო სამმართველოს მთავარ ინჟინრად; 1949-1964წწ. მუშაობდა მშენებლობის სფეროში, საქართველოს კვების მრეწველობისა და მშენებლობის სამინისტროების სისტემაში; 1955 წლიდან მუშაობდა საქართველოს მშენებლობის სამინისტროს N2 სამშენებლო ტრესტის მთავარ ინჟინრად; ხელმძღვანელობდა რესპუბლიკის მრავალი მნიშვნელოვანი ობიექტების მშენებლობას; ჰქონდა III რანგის კაპიტნის სამხედრო წოდება.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.485