თენგიზ ჟორჟოლიანი

დაბადების ადგილი: ქ. სევასტოპოლი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1963-1981წწ. მუშაობდა საქართველოს მშენებლობის სამინისტროს N2 სამშენებლო ტრესტში ოსტატად, სამუშაოთა მწარმოებლად, სამშენებლო სამმართველოს მთავარ ინჟინრად, უფროსად, ტრესტის მთავარ ინჟინრად, ტრესტის მმართველად; 1981-1984წწ. საპროექტო ინსტიტუტ "საქსახპროექტში"- პროექტის მთავარ ინჟინრად; იყო საქართველოს სასოფლო მშენებლობის სამინისტროს ტექნიკური სამმართველოს უფროსი, მინისტრის მოადგილე; მისი მონაწილეობითა და ხელმძღვანელობით აშენდა სამრეწველო-სამოქალაქო დანიშნულების არაერთი ობიექტი, მათ შორის: N 2175 და N 1172 სამხედრო დანიშნულების ობიექტები, ელექტრონული მრეწველობის კომპლექსი თბილისში, ქირურგიის, თერაპიისა და მორფოლოგიის ს/კ ინსტიტუტები და სხვა; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.486

• მშენებელთა საერთაშორისო კავშირი, ვიცე-პრეზიდენტი
• საქართველოს მშენებელთა კავშირი, პრეზიდენტი (1989-)