ვლადიმერ ჟორჟოლაძე

დაბადების ადგილი: დაბა თიანეთი.

დაამთავრა ლენინგრადის საგზაო ინსტიტუტის სამშენებლო ფაკულტეტი 1932 წელს.

1933-1940წწ. მუშაობდა საქართველოს გზატკეცილების მთავარ სამმართველოში ინჟინრად; "თბილისი-ქუთაისის" საავტომობილო გზის მშენებლობაზე ინჟინრად; ამავე გზის ექსპლუატაციაზე - საგზაო უბნის ინჟინრად, უფროსად; 1940-1942წწ. იყო საწარმოო გაერთიანება "საქნავთობის" მთავარი ინჟინერი, წითელწყაროს სამშენებლო-სამონტაჟო კანტორის უფროსი; 1942-1944წწ. საქართველოს საავტომობილო გზების მთავარ სამმართველოში, სხვადასხვა უბნებზე გზების ექსპლუატაციის უფროსი; 1944-1945წწ. იყო ზემო და ქვემო სვანეთის ახალი საავტომობილო გზების მშენებლობის სამმართველოს მთავარი ინჟინერი; 1945-1947წწ. "მარნეული-ხრამჰესის" გზის მშენებლობის სამმართველოს მთავარი ინჟინერი, უფროსის მოადგილე; 1947-1978წწ. მუშაობდა სამშენებლო ტრესტ "საქჰიდროენერგომშენის" გზათა მშენებლობის სამმართველოს უფროსად; 1978 წლიდან მუშაობდა "ენგურჰესის" მშენებლობაზე საგზაო სამმართველოს უფროსად.

ყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.486-487

• მედალი "შრომითი მამაცობისთვის"
• საპატიო ნიშნის ორდენი