ვიქტორ რუდომეტკინი

დაბადების ადგილი: ქ. ბათუმი.

დაამთავრა როსტოვის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი 1970 წელს; სწავლობდა ბათუმის საზღვაოსნო სასწავლებელსა და სსრკ კავშირის სამდინარო ფლოტის სამინისტროს ლენინგრადის უმაღლესი სამდინარო სასწავლებლის სამდინარო-ჰიდროტექნიკურ ნაგებობათა მშენებლობისა და ექსპლუატაციის ფაკულტეტზე.

1959 წელს დაიწყო შრომითი საქმიანობა როსტოვის ოლქში, სტაროჩერკასკის ხიდების მშენებელი მატარებლის სამუშაოთა მწარმოებლად; 1960-1972წწ. მუშაობდა ბათუმის ნავთობგადამამუშავებელი ქარხნის კაპიტალური მშენებლობის განყოფილების ტექნიკოს-დამპროექტებლად, ინჟინრად, საკონსულტაციო განყოფილების უფროს ინჟინრად, საამქოს უფროსის მოადგილედ; 1972-1982წწ. იყო საქართველოს მშენებლობის სამინისტროს N5 სამშენებლო ტრესტის N5 და შემდგომ N4 სამშენებლო სამმართველოების უფროსი, ტრესტის მმართველის მოადგილე; 1982-1988წწ. სსრ კავშირის გემთსამშენებლო მრეწველობის სამინისტროს ბათუმის გემთმშენებელი ქარხნის დირექტორის მოადგილე მშენებლობის დარგში; 1988-1992წწ. კოოპერატივ "პროექტის" თანადამფუძნებელი და მთავარი ინჟინერი; დაჯილდოებულია სხვადასხვა მედლებითა და "წარჩინებულის" საუწყებო ნიშნით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.493