გრიგოლ სარალიძე

დაბადების ადგილი: ქ. ხაშური.

დაამთავრა საქართველოს პოლიტექნიკური ინსტიტუტის მანქანათმშენებლოს ფაკულტეტი 1960 წელს.

შრომითი საქმიანობა დაიწყო სამშენებლო-სამონტაჟო ტრესტ "კავკასელექტროქსელმშენის" ლითონკონსტრუქციების ქარხნის ოსტატად, შემდეგ იყო ქარხნის დირექტორი; 1974-1976წწ. მივლინებული იყო კუბაში, მაღალი ძაბვის ელექტრო გადამცემი ხაზების მშენებლობის ხელმძღვანელად; 1976 წელს დაინიშნა ტრესტ "კავკასელექტროქსელმშენის" N8 მოძრავ-მექანიზებული კოლონის უფროსად; 1978 წელს ამავე ტრესტის მმართველის მოადგილედ, მთავარ ინჟინრად; 1981 წლიდან კი ტრესტის მმართველად; 1996 წელს ტრესტის სააქციო საზოგადოებად გარდაქმნასთან დაკავშირებით, აირჩიეს სს "კავკასელექტროქსელმშენის" სამეთვალყურეო საბჭოს თავმჯდომარედ; ხელმძღვანელობდა ქვეყნის ენერგოსისტემისათვის სასიცოცხლო მნიშვნელობის მქონე არაერთი ელექტროგადამცემი ხაზის მშენებლობას. მიღებული აქვს მთავრობის მრავალი ჯილდო, მათ შორის, საქართველოს უმაღლესი საბჭოს პრეზიდიუმის საპატიო სიგელით, სსრკ ენერგეტიკისა და ელექტრიფიკაციის სამინისტორის "წარჩინებული მუშაკის" მედალი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.502; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.300

• ჩრდილო-ოსეთის ავტონომიური რესპუბლიკის დამსახურებული ენერგეტიკოსი
• საპატიო ნიშნის ორდენი
• შრომის წითელი დროშის ორდენი
• საქართველოს დამსახურებული ინჟინერი