დემურ სვანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1970 წელს.

1970-1982წწ. მუშაობდა საპროექტო ინსტიტუტ "თბილქალაქპროექტში"; 1982-1998წწ. მიწვევით მუშაობდა ქ. ქუთაისში, საპროექტო ინსტიტუტ "ქუთქალაქპროექტში" არქიტექტურა-სამშენებლო სექტორის უფროსად, ქუთაისის მთავარი არქიტექტორის მოადგილედ, ქ. ქუთაისის მთავარ მხატვრად, ქ. ქუთაისის არქიტექტურისა და მშენებლობის საქმეთა სამმართველოს უფროსად, ქალაქის მთავარ არქიტექტორად; 1998-2006წწ. მუშაობდა ქ. თბილისის არქიტექტურის და პერსპექტიული განვითარების დეპარტამენტში სხვადასხვა თანამდებობაზე; 2008 წლიდან მუშაობს საქართველოს ტექნიკური უნივერსიტეტის არქიტექტურის ფაკულტეტზე პრაქტიკული კურსის პედაგოგად; შესრულებული აქვს მრავალი არქიტექტურული და ქალაქმშენებლობითი პროექტები: ქ. თბილისი, საცხოვრებელი რაიონი "ავშნიანი", საცხოვრებელი რაიონი "ისანი"-I, II, თბილისის გეგმარებითი ცენტრის პროექტი, ავლაბრის მოედნის, სააკაძის მოედნის, მეტრო ისანის მიმდებარე ტერიტორიის, ვარაზისხევისა და ჭავჭავაძის, 26 მაისის სახელობის მოედნის რეკონსტრუქციის პროექტები ქ. თბილისში; ქალაქების ქუთაისის, ბათუმის, ქობულეთის და ფოთის სივრცითი-ტერიტორიული განვითარების ხედვები და უფლებრივი ზონირების რუკები; ქ. ქუთაისში ისტორიული დაცვის ზონის განაშენიანების რეგულირების გეგმა, ქ. ცაგერის მიწათსარგებლობის გენერალური გეგმა და სხვა; 2015 წელს საავტორო ჯგუფთან ერთად გაიმარჯვა ქ. თბილისის მიწათსარგებლობის გენერალური გეგმის საკვალიფიკაციო კონკურსში; ასევე არის საკავშირო კონკურსში გამარჯვებული.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.508

• საქართველოს არქიტექტორთა კავშირი, გამგეობის წევრი (1981-)

• 2015 - საქართველოს დამსახურებული არქიტექტორი