ემანუელ სიორდია

დაბადების ადგილი: დაბა ჩაქვი.

დაამთავრა საქართველოს პოლიტექნიკური ინსტიტუტი სამთო საწარმოთა მშენებლობის სპეციალობით 1957 წელს.

1957-1961წწ. მუშაობდა ქ. კადიევკის სამშენებლო სამმართველო "შახტმშენში" სამთო ოსტატად, ცვლის ინჟინრად, უფროსის მოადგილედ; 1961-1972წწ. ქობულეთის რაიონის ჩაქვის ციტრუსების მეურნეობაში ინჟინრად; 1972-1975წწ. ქობულეთის რაიონის ჩაქვის სუბტროპიკული მეურნეობის მშენებელ ინჟინრად, უბნის უფროსად, დირექტორის მოადგილედ მშენებლობის დარგში; 1975-1993წწ. იყო აჭარის ავტონომიური რესპუბლიკის კომუნალური მეურნეობის სამინისტროს სარემონტო-სამშენებლო სამმართველოს ქობულეთის სარემონტო-სამშენებლო უბნის უფროსი; 1993-1999წწ. რესპუბლიკური გაერთიანება "საქსოფმშენკომპლექტის" ქობულეთის სამრეწველო-საკარიერო სამმართველოს მთავარი ინჟინერი; 1999 წლიდან თანამშრომლობს სხვადასხვა კომპანიებთან და ასრულებს საექსპერტიზო-საპროექტო სამუშაოებს საგზაო და სამრეწველო ობიექტების მშენებლობისთვის.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.511