ალეკო ტატიშვილი

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1950 წელს; მოსკოვის მშენებლობისა და არქიტექტურის აკადემიის სამშენებლო ინსტიტუტის ასპირანტურა 1955 წელს.

1955-1959წწ. მუშაობდა საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტში უფროს მეცნიერ-თანამშრომლად; 1959-1978წწ. საშენ მასალათა ს/კ ინსტიტუტში - ბეტონის ტექნოლოგიისა და ნაკეთობების ლაბორატორიის გამგედ; 1973 წლიდან იყო სამეცნიერო-ტექნიკური გაერთიანება "საქსაშენმასალების" გენერალური დირექტორის მოადგილე სამეცნიერო დარგში; 1964 წელს აირჩიეს საქართველოს პოლიტექნიკური ინსტიტუტის სამშენებლო წარმოებისა და საშენი მასალების კათედრის დოცენტად; 1978 წლიდან თბილისის ივანე ჯავახიშვილის სახელობის სახელმწიფო უნივერსიტეტის მშენებლობის ტექნიკისა და ტექნოლოგიის კათედრის გამგეა; არის მსუბუქი ბეტონების გამოყენების სკოლის დამფუძნებელი საქართველოში და მსუბუქი ბეტონებისგან დამზადებული კონსტრუქციების დანერგვის ინიციატორი; 110-ზე მეტი გამოქვეყნებული სამეცნიერო ნაშრომის, მათ შორის, მონოგრაფიების, გამოგონებების, სტუდენტური სახელმძღვანელოების ავტორი;  ტექნიკის მეცნიერებათა კანდიდატი, პროფესორი

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.526; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.124

• 1997 - ღირსების ორდენი
• საქართველოს სახელმწიფო პრემია

• ძირითადი საშენი მასალები და ნაკეთობანი : სახელმძღვ. საინჟ.-ეკონ. ფაკ. სტუდ. (ავტორი). - თბილისი, თბილისის უნივერსიტეტის გამომცემლობა, 1990. - 276გვ.
• ძირითადი საშენი მასალები და ნაკეთობანი : დამხმ. სახელმძღვ. უმაღლ. სასწ. სტუდენტთათვის (ავტორი). - თბილისი, თბილისის უნივერსიტეტის გამომცემლობა, 1983. - 281გვ.
• ლაბორატორიული პრაქტიკუმი საშენ მასალებში : მეთოდური მითითებები (ავტორი). - თბილისი, თბილისის უნივერსიტეტის გამომცემლობა, 1980. - 69გვ.
• ზოგიერთი ტიპობრივი მაგალითი და ამოცანა საშენ მასალებში (ავტორი). - თბილისი, თბილისის უნივერსიტეტის გამომცემლობა, 1980. - 30გვ.
• მსუბუქი ბეტონები საქართველოს ბუნებრივ და ხელოვნურ შემავსებლებზე (თანაავტორი). - თბილისი, საბჭ. საქართველო, 1963. - 61გვ.