ნუგზარ ტუღუში

დაბადების ადგილი: ქ. ფოთი.

დაამთავრა თბილისის სახელმწიფო სამხატვრო აკადემია, ატქიტექტურის ფაკულტეტი 1991 წელს.

1985-1987წწ. მსახურობდა საბჭოთა არმიის რიგებში; 1989-1992წწ. მუშაობდა ქ. თბილისის საპროექტო კოოპერატივ "კერაში"; 1993 წელს მუშაობა დაიწყო ქ. ფოთის მერიის არქიტექტურის სამსახურში ინჟინრად; 1999-2001წწ. იყო ქ. ფოთის მერიის ურბანიზაციისა და არქიტექტურის დეპარტამენტის უფროსის მოადგილე; 2002-2005წწ. იყო ქ. ფოთის მერიის არქიტექტურისა და დაგეგმარების სამსახურის უფროსი, ქალაქის მთავარი არქიტექტორი; 2005-2008წწ. მუშაობდა კერძო სექტორში, საპროექტო კომპანია შპს "არქტაიმის" ხელმძღვანელად; 2008-2014წწ. კვლავ საჯარო სამსახურშია და მუშაობს ჯერ ქ. ფოთის მერიის სივრცითი მოწყობის, არქიტექტურისა და მშენებლობის დეპარტამენტის უფროსის მოადგილედ; 2012 წლიდან სამსახურის უფროსის მოვალეობის შემსრულებლად; მის მიერ დაპროექტებული და განხორციელებული ობიექტებია: ქ. ფოთის საიალქნო კლუბის რეკონსტრუქცია, ფოთის საკათედრო ტაძრის აღდგენა-რეკონსტრუქცია, შპს "სილკვეის" მრავალფუნქციური ობიექტი, მრავალფუნქციური ობიექტი დ. აღმაშენებლის ქუჩაზე - ბანკი "კონსტანტა", "ბანკი რესპუბლიკას" ბიზნესცენტრი დ. აღმაშენებლის ქუჩაზე, სპორტის სასახლე მალთაყვაში, მალთაყვის უბნის ზღვის სანაპიროს კეთილმოწყობა, მდ. რიონის მარცხენა სანაპიროს კეთილმოწყობა, ფარნავაზ მეფის ქ. N1-ში მრავალბინიანი საცხოვრებელი სახლის რეკონსტრუქცია, დ. აღმაშენებლის ქუჩაზე მრავალბინიანი საცხოვრებელი სახლების რეკონსტრუქცია, ფოთის მიწათსარგებლობის გენერალური გეგმა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.530

• საქართველოს არქიტექტორთა კავშირი, წევრი (1999-)