ფოლად ფოლად-ზადე

დაბადების ადგილი: ქ. თბილისი.

დაამტავრა მოსკოვის წყალთა მეურნეობის ინსტიტუტი, ინჟინერ-ჰიდროტექნიკოსის კვალიფიკაციით 1955 წელს.

1955-1956წწ. მუშაობდა სამშენებლო ტრესტ "ტაჯიკჰიდრომშენის" სისტემაში N2 სამშენებლო სამმართველოს ინჟინერ-მშენებლად, სამშენებლო უბნის უფროსად; 1956 წლიდან მუშაობდა "მთავარკურა-არაქსწყალმშენის" სამმართველოს ტექნიკური განყოფილების უფროსად; 1957-1959წწ. მუშაობდა "მთავარკურა-არაქსწყალმშენის" N8 სამშენებლო-სამონტაჟო სამმართველოს ჯერ უფროს სამუშაოთა მწარმოებლად, შემდეგ სამმართველოს მთავარ ინჟინრად; 1959-1963წწ. "მთავარკურა-არაქსწყალმშენის" N2 სამშენებლო-სამონტაჟო სამმართველოს მთავარი ინჟინერი იყო; 1963 წელს გადაიყვანეს აზერბაიჯანის კომპარტიის ცენტრალური კომიტეტის სოფლის მეურნეობის განყოფილების გამგედ; 1964 წელს დაინიშნა საბჭოთა კავშირის წყალთა მეურნეობის სამინისტროს ამიერკავკასიის მთავარი საწარმოო სამმართველოს უფროსად (ქ. ბაქოში); 1965 წელს გადაიყვანეს "მთავარკურა-არაქსწყალმშენის"  უფროსის პირველ მოადგილედ, შემდგომ მთავარი სამმართველოს უფროსად; 1970-1974წწ. აზერბაიჯანის სსრ სამელიორაციო მშენებლობის მთავარი სამმართველოს ("მთავარაზმელიოწყალმშენი") უფროსი იყო; 1974 წელს გადაიყვანეს მოსკოვში, საბჭოთა კავშირის მელიორაციისა და წყალთა მეურნეობის მინისტრის პირველ მოადგილედ; 1989 წლიდან საბჭოთა კავშირის წყალთა მეურნეობის მშენებლობის მინისტრის პირველი მოადგილე იყო; 1990-1991წწ. სსრკ სახელმწიფო კონცერნ "წყალმშენის" თავმჯდომარე; 1992 წლიდან მისი გენერალური დირექტორია; 2005 წლიდან კონცერნ "წყალმშენის" დირექტორთა საბჭოს თავმჯდომარეა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.549-550

• საპატიო ნიშნის ორდენი
• შრომის წითელი დროშის ორდენი (3 ორდენი)
• ოქტომბრის რევოლუციის ორდენი