სიმონ ქავთარაძე

დაბადების ადგილი: ქ. თბილისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1933 წელს.

1933-1944წწ. მუშაობდა სამშენებლო გაერთიანება "ქალაქმშენში" და სასოფლო მშენებლობის სამშენებლო სამმართველოს მთავარ ინჟინრად, უფროსად; 1944-1954წწ. იყო საქართველოს მინისტრთა საბჭოსთან არსებული სახელმწიფო-შრომითი რეზერვების ტერიტორიული სამმართველოს მთავარი ინჟინერი, სამმართველოს უფროსის მოადგილე; 1954-1958წწ. საქართველოს სახელმწიფო კონტროლის კომიტეტის მშენებლობისა და საშენ მასალათა განყოფილების უფროსი; 1958-1981წწ. საქართველოს მინისტრთა საბჭოს მშენებლობისა და საქალაქო მეურნეობის განყოფილების გამგის მოადგილე, სექტორის გამგე და განყოფილების გამგე; 1981-1989წწ. მუშაობდა საქართველოს მინისტრთა საბჭოს კაპიტალური მშენებლობის მთავარი სამმართველოს კულტურისა და განათლების განყოფილების უფროსად; ხელმძღვანელობდა მნიშვნელოვანი ნაგებობების, მათ შორის: "ბაქტერიოფაგის", კომპოზიტორთა შემოქმედებითი სახლის (ბორჯომში), კინოსტუდიის, ბაკურიანის სპორტული კომპლექსის, სახელმწოფო შრომითი რეზერვების ობიექტების მშენებლობას; დაჯილდოებულია საქართველოს უმაღლესი საბჭოს პრეზიდიუმის საპატიო სიგელითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.555-556

• წითელი დროშის ორდენი
• საპატიო ნიშნის ორდენი
• საქართველოს დამსახურებული ინჟინერი