თეიმურაზ ქაშაკაშვილი

დაბადების ადგილი: დაბა ბაღდათი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1968 წელს. საქართველოს მეცნიერებათა აკადემიის სამშენებლო მექანიკისა და სეისმომედეგობის ს/კ ინსტიტუტის ასპირანტურა 1972 წელს.

1966-1969წწ. მუშაობდა საქართველოს სსრ მშენებლობის სამინისტროს N1 სამშენებლო ტრესტ "ამიერკავკასმეტალურგმშენში" მშენებლობის ორგანიზაციის განყოფილების ინჟინრად; 1972-1981წწ. ამავე სამინისტროს ტექნიკურ სამმართველოში - პროექტების ექსპერტიზის განყოფილების უფროსად, სამმართველოს უფროსის მოადგილედ, უფროსად; 1981-1988წწ. იყო საქართველოს მშენებლობის სამინისტროს N13 სამშენებლო ტრესტისა და 1988-1993წწ. ტრესტ "საქსომხეთმშენის" მთავარი ინჟინერი; 1993-1997წწ. სამშენებლო ფირმა "თბილისის" ტექნიკური დირექტორი; 1997 წელს სს "კაპმშენის" საფინანსო-ტექნიკური სამსახურის უფროსი; 1997-2004წწ. მუშაობდა გაზის საერთაშორისო კორპორაციაში მშენებლობის მენეჯერად, საგურამოს საექსპლუატაციო სამმართველოსა და მაგისტრალური გაზსადენების ექსპლუატაციის დეპარტამენტის უფროსად; 2004-2008წწ. იყო კომპანია "აქსისის" მთავარი ტექნოლოგი, "აქსისის პალას-2-ის" სამშენებლო უბნისა და ბიზნესცენტრის სამშენებლო უბნის უფროსი; 2008 წლიდან არის სამშენებლო კომპანია შპს "უნისტ ჯორჯიას" მთავარი ტექნიკური მენეჯერი; მონაწილეობდა სომხეთის მიწისძვრით დაზარალებულ რეგიონებში საგანმანათლებლო, სოციალური დანიშნულებისა და საცხოვრებელი ობიექტების მშენებლობაში; თბილისის ჯანდაცვის, საგანმანათლებლო და საზოგადოებრივი დანიშნულების ობიექტების მშენებლობაში, მათ შორის საზოგადოებრივ-სავაჭრო ცენტრი "თბილისის მოლი" (დავით აღმაშენებლის ხეივნის მე-16 კმ).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.559; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.61

• 1999 - ღირსების მედალი
  1988 წელს სომხეთის რესპუბლიკაში მომხდარი მიწისძვრის შედეგების ლიკვიდაციისას გამოჩენილი მაღალი პროფესიონალიზმისათვის, ტაშირის რაიონში საცხოვრებელი კომპლექსისა და მისი სოციალური ინფრასტრუქტურის ობიექტების მშენებლობაში შეტანილი პირადი წვლილისათვის
• ღირსების ორდენი