ნოდარ ქაჯაია

დაბადების ადგილი: ქ. ბორჯომი.

დაამთავრა საქართველოს პოლიტექნიკური ინსტიტუტის სამთო ფაკულტეტი, შახტმშენებლობის სპეციალობით 1953 წელს.

1953-1958წწ. მუშაობდა ტრესტ "ტყვარჩელშახტმშენში" ინჟინრად; 1958-1965წწ. სამთო მაშველი ორგანიზაციის მეთაურად; 1965-1972წწ. ამავე ორგანიზაციის შტაბის მთავარ ინჟინრად; 1972-1978წწ. იყო საქართველოს მშენებლობის სამინისტროს N7 სამშენებლო ტრესტის სამშენებლო-სამონტაჟო სამმართველო "ტყვარჩელშახტმშენის" მთავარი ინჟინერი; 1978-1992წწ. ამავე სამინისტროს N6 სამშენებლო ტრესტის მთავარი ტექნოლოგი; 1982-1991წწ. საქართველოს მშენებლობის სამინისტროს მთავარი ტექნიკური ექსპერტი; მისი მონაწილეობით აშენდა და საექსპლუატაციოდ გადაიცა N6 და N8 შახტები, დოლომიტის გამამდიდრებელი ფაბრიკა ტყვარჩელში, მთავრობის სახლი სოხუმში, ფეხბურთის სტადიონი ქ. ლანჩხუთში, ორი საკონსერვო ქარხანა, მეფრინველეობის კომპლექსები და სტიქიით დაზარალებული მოსახლეობისათვის ახალი სოფლები, ქ. ხობის საავადმყოფო და სხვა სოციალური დანიშნულების ობიექტები; მიღებული აქვს როგორც საკავშირო, ასევე რესპუბლიკური სამინისტროების საპატიო სიგელები და წამახალისებელი ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.562