დავით კანდელაკი

დაბადების ადგილი: სოფელი კულაში, ქუთაისის გუბერნია.

საუნივერსიტეტო განათლება მიიღო გერმანიაში.

განათლებით ეკონომისტს, ჯერ რუსეთში მოუხდა მუშაობა; საქართველოში 1921 წლის შემოდგომაზე ჩამოვიდა და დაინიშნა განათლების სახალხო კომისრად (განათლების მინისტრად). ამ დიდ ეროვნულ საქმეს მთელი 10 წლის განმავლობაში უანგაროდ, საქმის დიდი ცოდნითა და თავდადებით ემსახურა; 1928 წლის ოქტომბრისათვის დამთავრდა თბილისის სახელმწიფო უნივერსიტეტის პოლიტექნიკური ფაკულტეტის რეორგანიზაცია. მას შეუერთდა ამიერკავკასიის რუსული პოლიტექნიკური ინსტიტუტის საინჟინრო განყოფილება და ამ ორი სასწავლებლის ბაზაზე დაფუძნდა საქართველოს პოლიტექნიკური ინსტიტუტი; 1930 წელს სამუშაოდ მოსკოვში გადაიყვანეს - იყო საბჭოთა კავშირის საგარეო ვაჭრობის სახალხო კომისრის მოადგილე; 1930-1934წწ. საბჭოთა კავშირის სავაჭრო წარმომადგენელი შვედეთში, 1935-1937წწ. - გერმანიაში; ასრულებდა ი. სტალინის პირად დავალებებს გერმანიის მთავრობის წარმომადგენლებთან მოლაპარაკებებში სსრკ-ისთვის სამხედრო და სტრატეგიული მასალების მიწოდების თაობაზე (ზოგჯერ მოიხსენიებენ როგორც "კანდელაკის მისიას"); 1937 წლის 11 სექტემბერს მოსკოვში დააპატიმრეს. ბრალად ედებოდა ტერორისტულ ორგანიზაციაში მონაწილეობა; საქართველოს ტექნიკური უნივერსიტეტის პირველი რექტორი; ემსხვერპლა პოლიტიკურ რეპრესიებს.

წყარო: საქართველოს ტექნიკური უნივერსიტეტი: gtu.ge; საქართველო: ენციკლოპედია: ტ. IV. -თბ., 2018.-გვ. 511; tbilisipost.ge

• სკკპ, წევრი (1918-)
• სოციალისტ-რევოლუციონერების პარტია (ესერები), წევრი (1912-)

• 1937 - ლენინის ორდენი