ვლადიმერ ქორჩილავა

დაბადების ადგილი: დაბა აბაშა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1957 წელს.

1957-1959წწ. მუშაობდა თბილისის სხვადასხვა ობიექტების მშენებლობაზე; 1959 წლიდან მუშაობდა საპროექტო ინსტიტუტ "საქსახპროექტში", სადაც გაიარა ყველა სამსახურებრივი საფეხური, რიგითი ინჟინრიდან მთავარ ინჟინრამდე; მონაწილეობდა თბილისის ელმავალმშენებელი (რეკონსტრუქცია), სტაბილური იზოტოპებისა და ქუთაისის საავტომობილო ქარხნების, საგურამოს კოსმიური კვლევის ლაბორატორიის, ჭიათურის გამამდიდრებელი ფაბრიკების, რუსთავის ქიმკომბინატის, ქარხნების - "ავტოვაზის", "კამაზის", სამშენებლო ინდუსტრიისა და სხვა დარგების მნიშვნელოვანი ობიექტების დაპროექტებაში, როგორც საქართველოში, ისე მის ფარგლებს გარეთ; წლების განმავლობაში თანამშრომლობდა საქართველოს პოლიტექნიკურ ინსტიტუტთან; იყო დიპლომის ხელძღვანელი, კონსულტანტი, რეცენზენტი, სახელმწიფო საგამოცდო კომისიის წევრი; მიღებული აქვს არაერთი სახელმწიფო ჯილდო.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.573

• შრომის ვეტერანი
• საქართველოს დამსახურებული ინჟინერი