თამაზ ქოქოსაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი ჰიდროტექნიკოს-მშენებლის კვალიფიკაციით 1951 წელს.

1951-1953წწ. - სიონჰესის წყალსაცავის მშენებლობის ოსტატი, ტექნიკური განყოფილების ინჟინერი, მგეგმავი, დამპროექტებელი; 1953-1958წწ. - გუმათჰესის მშენებლობის სამუშაოთა მწარმოებელი, უფროსი სამუშაოთა მწარმოებელი, სამშენებლო უბნის უფროსი, კვანძის უფროსი; 1958-1960წწ. - ლაჯანურჰესის მშენებლობის მთავარი ინჟინრის მოადგილე; 1960-1963წწ. - საქართველოს კპ-ის ცკ-ის ინსტრუქტორი; 1963-1965წწ. - ტრესტ "საქჰიდროენერგომშენის" მმართველი და ერთდროულად - ენგურჰესის მშენებლობის სამმართველოს უფროსი; 1966-1973წწ. - ამიერკავკასიის N489 ხიდმშენის სამმართველოს უფროსი; 1973-1985წწ. - თბილისის ს. კიროვის რაიაღმასკომის თავმჯდომარის პირველი მოადგილე, შემდეგ, თავმჯდომარე; 1985 წლიდან - საქართველოს მეცნიერებათა აკადემიის სამეცნიერო-საწარმოო გაერთიანება "ანალიზხელსაწყოს" გენერალური დირექტორის მოადგილე. ხელმძღვანელობდა "გუმათჰესის", 128 ხიდის, ბინათმშენებლობის, სამრეწველო და სასოფლო-სამეურნეო დანიშნულების ობიექტების მშენებლობას თბილისსა და სხვა რეგიონებში. ტექნიკურ მეცნიერებათა აკადემიური დოქტორი. დაჯილდოებულია სამი ორდენით, მედლებითა და საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.574; საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.341

• საქართველოს დამსახურებული ინჟინერი