ლალი ღოღელიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტი­ტუ­ტის სამშენებლო ფაკულტეტი "ჰიდროტექნიკური ნაგებობების ინჟინერ-მშენებლის" კვალი­ფი­კაციით 1967 წელს.

1968-1969წწ. მუშაობდა საქართველოს წყალთა მეურნეობის საპროექტო ინსტიტუტში "საქჰიდროწყალმეურნეობა" ინჟინრად საპროექტო განყოფილებაში; 1969-1972წწ. სწავლობდა საქართველოს ენერგეტიკისა და ენერგეტიკულ ნაგებობათა სამეცნიერო კვლევითი ინსტიტუტის ასპირანტურაში "ჰიდრავლიკისა და საინჟინრო ჰიდროლოგიის" მიმართულებით; 1973 წელს პროფ. ვოინიჩ სიანოჟენსკის ხელმძღვანელობით დაიცვა საკანდიდატო დისერტაცია; 1968-1974წწ. მუშაობდა ამიერკავკასიის ჰიდრომეტეოროლო­გიის სამეცნიერო-კვლევითი ინსტიტუტის ჯერ უმცროსი და შემდეგ უფროსი მეცნიერ-თანამშრომლის თანამდებობაზე; 1974 წელს მუშაობა დაიწყო საქართველოს პოლიტექნიკური ინსტიტუტის ჰიდროტექნიკური ფაკულტეტის ჰიდრავლიკის კათედრის ჯერ ასისტენტად, შემდგომ კი დოცენტად; 1993 წელს დაიცვა სადოქტორო დისერტაცია და არჩეულ იქნა ამავე კათედრის სრულ პროფესორად; 1997-2005წწ. იყო ტექნიკური უნივერ­სი­ტეტის ჰიდროსაინჟინრო ფაკულტეტის დეკანი; 2002-2006წწ. სტუ-ს რეფორმების კომისიის თავმჯდომარე; 2005-2017წწ. სამშენებლო ფაკულტეტის ჰიდროსაიჟინრო დეპარ­ტა­მენტის ხელმძღვანელი; 2005-2010წწ. განმავლობაში ხელმძღვანელობდა სტუ-ს ჰიდროსაინჟინრო ფაკულტეტის სადისერტაციო საბჭოს; 2006-2008წწ. საქართველოს მეციერებათა ეროვნული აკადემიის სამეცნიერო-კვლევითი ინსტიტუტების სალიცენზიო კომისიის  წევრი; 1999-2007წწ. საქართველოს განათლებისა და მეცნიერების სამინისტროს სახელმწიფო საბიუჯეტო-საატესტაციო კომისიის წევრი; 2002-2005წწ. საქართველოს განათლებისა და მეცნიერების სამინისტროს ეროვნული გამოცდების კომისიის წევრი; 2005-2007წწ. აშშ სათემო კოლეჯების საერთაშორისო ასოციაციის პროექტით შექმნილი ხარისხის განვითარების ხელშემწყობი ცენტრის ხელმძღვანელი სტუ-ში; 2006 წლიდან სტუ-ს აკადემიური პერსონალის განვითარების ცენტრის ხელმძღვანელის მოადგილე; 2006-2010წწ. აშშ სათემო კოლეჯების საერთაშორისო ასოციაციის ოფიციალური წარმომადგენელი საქართველოში; 2006-2010წწ. საერთაშორისო პროექტის "ბოლონიის პრინციპების დამკვიდრება საქართველოში" მონაწილე; 2010-2015წწ. სტუ-ს პროფესიული განათლების სტანდარტებისა და პროგრამების დეპარტამენტის ხელმძღვანელი; 2009-2018წწ. სტუ-ს აკადემიური საბჭოს წევრი; 2009-2015წწ. საქართველოს განათლებისა და მეცნიერების სამინისტროს ხარისხის უზრუნველყოფის ნაციონალური ცენტრის  თემატური ჯგუფის "კვალიფიკაციის სისტემა პროფესიულ განათლებაში", წევრი; 2011-2012წწ. საქართველოს განათლებისა და მეცნიერების სამინისტროს ხარისხის უზრუნველყოფის ნაციონალური ცენტრის თემატური ჯგუფის "ხარისხის მენეჯმენტი პროფესიულ განათლებაში", წევრი; 2010-2011წწ. საქართველოს განათლებისა და მეცნიერების სამინისტროს კომისიის "პროფესიული განათლების კურიკულუმის ჰარმონიზაციის" კომისიის წევრი; 2012-2016წწ. საქართველოს განათლებისა და მეცნიერების სამინისტროს ხარისხის უზრუნველყოფის ნაციონალური ცენტრის აკრედიტაციისა და ავტორიზაციის საბჭოს წევრი; 2017-დან აშშ აიოვას სახელმწიფო უნივერსიტეტის მიწვეული პროფესორი; 2016-2018წწ. "აიოვას უნივერსიტეტის OSHA-ს ცენტრის ტრენერთა ტრენინგის კოორდინატორი საქართველოში"; 2017-დან სტუ-ს ემერიტუს პროფესორი; 2006-2022წწ. სტუ-ს საერთაშორისო პროექტების კოორდინატორი; 2020 წლიდან სტუ-ს გალერეა "უნივერსის" ხელმძღვანელი; 2022 წლიდან სტუ-ს სადისერტაციო საბჭოს წევრი; აქტიურად თანამშრომლობს საქართველოს განათლებისა და მეცნიერების სამინისტროს, მეცნიერებათა ეროვნული აკადემიის და პარლამენტის განათლებისა და მეცნიერების კომიტეტებთან; არის მეცნიერებათა ეროვნული აკადემიის ინოვაციური ტექნოლოგიების კომისიის წევრი; მეცნიერ ინჟინერ ქალთა საერთაშორისო ასოციაციის და საქართველოს მშენებელ ქალთა ასოციაციის წევრი; საქართველოს პარლამენტის და განთლებისა და მეცნიერების დეპარტამენტის სოციალური კომიტეტის წევრი;  გამოქვეყნებული აქვს 90-ზე მეტი სამეცნიერო ნაშრომი, მათ შორის ინგლისურ და რუსულ ენოვანი მონოგრაფიები, არის სახელმძღვანელოების ავტორი; მიღებული აქვს აშშ აიოვას უნივერსიტეტის საპატიო სიგელი; არის სტუ-ს საპატიო პროფესორი და დაჯილდოვებულია მრავალი სხვა საპატიო სიგელეით. ტექნიკურ მეცნიერებათა კანდიდატი (1974), დოქტორი (1993), პროფესორი. ფარმაცევტ დავით ღოღელიანის შვილი, ექიმ დალი ღოღელიანის და.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.585; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• ამერიკის მეცნიერთა საერთაშორისო ასოციაცია (Sigma-XI), ნამდვილი წევრი
• მაღალი კაშხლების საერთაშორისო ასოციაცია, წევრი
• რუსეთის ეკოლოგიის, ევროპის საბუნებისმეტყველო მეცნიერებათა აკადემია, ნამდვილი წევრი
• საქართველოს ენერგეტიკის აკადემია, წევრი
• საქართველოს ქალთა საბჭოს აღმასრულებელი კომიტეტი, წევრი
• ჰიდრავლიკოსთა საერთაშორისო ასოციაციის საქართველოს განყოფილება, ხელმძღვანელი

• 1998 - ღირსების მედალი (2 ორდენი)
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისთვის
• იაკობ გოგებაშვილის სახელობის პრემია

• ელექტრონული კომერცია : სახელმძღვ. სტუდ. (Co-Author). - თბილისი, ტექნ. უნ-ტი, 2009. - 142გვ.
• ჰალოსოლი (Co-Author). - თბილისი, ტექნ. უნ-ტი, 2006. - 77გვ.
• პრაქტიკული სამუშაოები ჰიდრავლიკასა და აეროდინამიკაში თბოაირმომარაგების და ვენტილაციის სპეციალობის სტუდენტებისათვის : მეთოდური მითითებები (Co-Author). - თბილისი, 1982. - 54გვ.