ვიტალი ღოღობერიძე

დაბადების ადგილი: ქ. სამტრედია.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1942 წელს.

1943-1948წწ. ეწეოდა პრაქტიკულ პროფესიულ საქმიანობას სხვადასხვა სამშენებლო ორგანიზაციებში; 1948-1970წწ. მუშაობდა პარტიულ-პროფკავშირულ ორგანოებში; იყო საქართველოს კ/პ თბილისის კიროვის რაიკომის ინსტრუქტორი, განყოფილების გამგე, რაიკომის მდივანი, საქართველოს კ/პ ცენტრალური კომიტეტის პასუხისმგებელი მუშაკი, ქუთაისის საქალაქო კომიტეტის პირველი მდივანი; 1956 წელს დაინიშნა კავშირგაბმულობის, საავტომობილო ტრანსპორტისა და საგზაო მუშაკთა პროფკავშირის რესპუბლიკური კომიტეტის თავმჯდომარედ; 1962 წლიდან მუშაობდა საქართველოს რესპუბლიკური პროფკავშირების საბჭოს მდივნად; 1970 წელს დაინიშნა საქართველოს მშენებლობის მინისტრის მოადგილედ; 1973 წლიდან იყო საქართველოს ვაჭრობის მინისტრის მოადგილე მშენებლობის დარგში; მიღებული ჰქონდა სახელმწიფო ჯილდოები და საპატიო სიგელები, გამოქვეყნებული აქვს 4 სამეცნიერო ნაშრომი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.586