გელა ყიფიანი

დაბადების ადგილი: ონის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1964 წელს.

1964-1966წწ. მუშაობდა სამშენებლო ტრესტ "ჩიმკენტსტროის" (ყაზახეთის სსრ) სამშენებლო სამმართველო "ინდუსტროიში" სამშენებლო უბნის ოსტატად; 1966-1992წწ. მუშაობდა საწარმოო სამშენებლო-სამონტაჟო გაერთიანება "საქჰიდროენერგომშენის" (ყოფილი სამშენებლო ტრესტი "საქჰიდროენერგომშენი") გაგრის მოძრავ-მექანიზებული კოლონის სამშენებლო უბნის უფროსად, მთავარ ინჟინრად, უფროსად; მონაწილეობდა და ხელმძღვანელობდა დასასვენებელი სახლების "ენერგეტიკისა" და "ისკრას", დ. განთიადის საკანალიზაციო ქსელისა და გამწმენდი ნაგებობების, ქ. გაგრის შემოვლითი საავტომობილო გზის ხელოვნური ნაგებობების მშენებლობას; 1993-1996წწ. დევნილობის პერიოდში იყო საწარმოო სამშენებლო-სამონტაჟო გაერთიანება "საქჰიდროენერგომშენის" სამეურნეო ანგარიშზე მყოფი ქ. სოჭის ადლერის რაიონის სამშენებლო უბნის უფროსი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.594-595