თეიმურაზ შაბურიშვილი

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1959 წელს.

1959-1961წწ. შრომითი საქმიანობა დაიწყო სახელმწიფო საპროექტო ინსტიტუტ "კავგიპროტრანსში" ტექნიკოსად, ინჟინრად; 1961-1980წწ. მუშაობდა სამშენებლო ტრესტ "ამიერკავკასტრანსმშენში" სხვადასხვა თანამდებობაზე; 1980-1989წწ. ამავე ტრესტის მმართველის მოადგილე; 1989 წლიდან ხელმძღვანელობდა საქართველოს ძეგლთა დაცვის მთავარ სამმართველოსთან არსებულ აღმოსავლეთ საქართველოს სამმართველოს; 1991 წლიდან მუშაობდა სს "ხიდმშენში"; აქტიურად მონაწილეობდა და ხელმძღვანელობდა თბილისის აეროვაგზლის, ავტოვაგზლისა და რკინიგზის სადგურების მშენებლობას, თბილისის ელმავალთმშენებელი და ელექტროვაგონშემკეთებელი და ელექტროვაგონშემკეთებელი ქარხნების რეკონსტრუქციას, "მარაბდა-ახალქალაქისა" და "ზუგდიდი-ჯვრის" ახალი სარკინიგზო ხაზების მშენებლობას, ამიერკავკასიის რკინიგზის "თბილისი-სამტრედიისა" და "გარდაბან-კიროვაბადის" (აზერბაიჯანში) მე-2 სარკინიგზო ხაზების ელექტრიფიცირებას, საცხოვრებელი სახლების, სანატორიუმების, დასასვენებელი სახლების, სამდინარო ხიდების მშენებლობას; ჩართული იყო სომხეთში მიწისძვრით დაზარალებული ობიექტების აღდგენა-მშენებლობაში (1967), ი. გოგებაშვილის (ვარიანში) და ი. მაჩაბლის სახლ-მუზეუმების, ალავერდის ტაძრის, შუამთის მონასტრის, სურამის ციხის, ბოდბის წმ. ნინოს ეკლესიის და აღმოსავლეთ საქართველოს სხვა ძეგლების აღდგენაში; მიღებული აქვს სახელმწიფო და საუწყებო ჯილდოები, სსრკ სატრანსპორტო მშენებლობის სამინისტროს სახელობითი საჩუქარი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.600

• საქართველოს დამსახურებული ინჟინერი