ჯემალ შანიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ხიდებისა და გვირაბების მშენებლობის სპეციალობით 1962 წელს; იმავე ინსტიტუტის ასპირანტურა 1968 წელს.

1962-1964წწ. მუშაობდა ამიერკავკასიის რკინიგზის სამმართველოში ხიდების გამოსაცდელ სადგურსა და სალიანდაგო სამსახურში; 1967-1969წწ. საქართველოს მშენებლობის სამინისტროს მექანიზაციის სპეცტრესტის სპეციალიზებულ სამშენებლო-სამონტაჟო სამმართველოში ოსტატად; 1969-1979წწ. მუშაობდა საქართველოს პოლიტექნიკური ინსტიტუტის ფუძე-საძირკვლების კათედრაზე ასისტენტად, დოცენტად; 1979-1985წწ. საქართველოს სახალხო კონტროლის სახელმწიფო კომიტეტის მშენებლობის, სამშენებლო ინდუსტრიისა და კომუნალური მეურნეობის განყოფილებაში; 1985-1996წწ. იყო საქართველოს საავტომობილო გზების სამინისტროს კომბინატ "თბილხიდმშენინდუსტრიის" მთავარი ინჟინერი, ხიდების სამშენებლო-სარემონტო სამმართველოს უფროსი; მონაწილეობდა ქ. თბილისისა და ქ. სოხუმის შემოვლითი გზების, ხიდებისა და ესტაკადების, "ბორჯომ-ბაკურიანის" საავტომობილო გზის, ხიდისა და გვირაბის მშენებლობაში; არის ტექნიკის მეცნიერებათა დოქტორი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.605