ჯონი აფაქიძე

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ისტორიის ფაკულტეტი 1983 წელს.

სამეცნიერო - პედაგოგიურ და კვლევით სამუშაოებს აწარმოებდა ბერლინის თავისუფალ და ტიუბინგენის უნივესიტეტებში, ასევე გერმანიის არქეოლოგიის ინსტიტუტში. მონაწილეობდა ტროას საერთაშორისო არქეოლოგიურ გათხრებში. 2005 წელს თბილისში თორმეტი ქვეყნის ჰუმბოლდტელთა მონაწილეობით ჩაატარა სიმპოუზიუმი თემაზე: "სამხრეთ კავკასია ევროპული ინტეგრაციის გზაზე", ხოლო 2007 წელს - შავი ზღვის აუზის ქვეყნებისა და გერმანიის ჰუმბოლდტელ - არქეოლოგებთან ერთად სიმპოზიუმი თემაზე: "შავი ზღვის აუზი ძვ.წ 5000-500წწ. კომუნიკაცია კავკასიასა და კარპატებს შორის". ჯონი აფაქიძის კვლევის ძირითადი მიმართულებებია: კავკასიის ბრინჯაოსა და ადრერკინის ხანის კულტურები; ქრონოლოგია არქეოლოგიაში; კოლხეთის არქეოლოგია; ტროას არქეოლოგია, ისტორია და კულტურა. 2007 წლის სექტემბრიდან 2009 წლის მაისამდე ასრულებდა სოხუმის უნივერსიტეტის რექტორის მოვალეობას. 2009-2017 წლებში იყო სოხუმის სახელმწიფო უნივერსიტეტის რექტორი. გამოქვეყნებული აქვს 80-მდე ნაშრომი, მათ შორის დიდი ნაწილი დაბეჭდილია საყოველთაოდ აღიარებულ მაღალრეიტინგულ საერთაშორისო გამოცემებში. იყო გერმანიის სასწავლო - აკადემიური გაცვლების სამსახურის სტიპენდიატი (1993), გერმანიის არქეოლოგიის ინსტიტუტის სტიპენდიატი (1996), გერმანიის ალექსანდრე ფონ ჰუმბოლდტის ფონდის სტიპენდიატი (1998,1999,2003, 2006,2010). ისტორიის მეცნიერებათა კანდიდატი (1989), დოცენტი (1993), დოქტორი (2002), პროფესორი (2004),  სრული პროფესორი (2006). 2007 წლის სექტემბრიდან 2009 წლის მაისამდე ჯონი აფაქიძე სოხუმის უნივერსიტეტის რექტორის მოვალეობის შემსრულებელია, 2009-2017წწ. იყო სოხუმის სახელმწიფო უნივერსიტეტის რექტორი. გამოქვეყნებული აქვს 72 ნაშრომი, მათ შორის დიდი ნაწილი დაბეჭდილია საყოველთაოდ აღიარებულ მაღალრეიტინგულ საერთაშორისო გამოცემებში.

წყარო: სოხუმის სახელმწიფო უნივერსიტეტის ბიბლიოთეკის ვებ-გვერდი: elibrary.sou.edu.ge

• გერმანიის არქეოლოგიის ინსტიტუტი, წევრ - კორესპონდენტი
• ევროპის არქეოლოგთა ასოციაცია, წევრი
• საქართველოს ჰუმბოლდტის კლუბი, გენერალური მდივანი

• ზურაბ პაპასქირი - 60 : ჟამთააღმწერლობა ჭეშმარიტის მეტყუელება არს:კრებული (ავტორი). - თბილისი, სოხუმის სახელმწ. უნ-ტის გამ-ბა,, 2013. - 568გვ.
• საქართველო და თურქეთი: კულტურულ ურთიერთობათა ისტორია, დღევანდელობა და პერსპექტივები : აჰმედ ოზქან მელაშვილის დაბადებიდან 90 წლისთავისადმი მიძღვნილი საერთაშ. სამეცნ. კონფერენციის მასალები, თბილისი, 21-24 ივნისი, 2012 (ავტორი). - თბილისი, 2012. - 2019
• საქართველოს კულტურული მემკვიდრეობა ოკუპირებულ ტერიტორიებზე აფხაზეთი : მოხსენებათა კრებული (ავტორი). - თბილისი, მერიდიანი, 2012. - 220გვ.
• "ქართულ-აფხაზური და ქართულ-ოსური ურთიერთობები: წარსული, დღევანდელობა, მომავალი", საქართველოს დამოუკიდებლობის დღისადმი მიძღვნილი პროფესორ-მასწავლებელთა და სტუდენტთა საუნივერსიტეტთაშორისო სამეცნიერო კონფერენცია (2011, გორი) : საქართველოს დამოუკიდებლობის დღისადმი მიძღვნილი პროფესორ-მასწავლებელთა და სტუდენტთა საუნივერსიტეტთაშორისო სამეცნიერო კონფერენცია - "ქართულ-აფხაზური და ქართულ-ოსური ურთიერთობები: წარსული, დღევანდელობა, მომავალი" : (სამეცნ. კონფერენციის მასალები) (ავტორი). - თბილისი, უნივერსალი, 2011. - 175გვ.
• ტროა 1995 : არქეოლოგიური გათხრების მონაწილის შთაბეჭდილებები = Troa 1995 : Eindruke Eines Teilnehmers der Archaologischen Ausgrabungskampagne = Троя 1995 : Впечатления участника археологических раскопок (ავტორი). - თბილისი, სომა პრეს, 1996. - 31გვ.