თემურ შელეგია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1956 წელს.

1957 წელს დაიწყო შრომითი საქმიანობა სახელმწიფო საპროექტო ინსტიტუტ "თბილქალაქპროექტში"; 1960-1963წწ. მუშაობს საქართველოს მშენებლობის სამინისტროს N9 სამშენებლო ტრესტის ბორჯომის N1 სამშენებლო სამმართველოს ბაკურიანის სამშენებლო უბანზე სამუშაოთა მწარმოებლად; 1963-1967წწ. იყო საბჭოთა კავშირის ქიმიური მრეწველობის სამინისტროს რუსთავის სამშენებლო-სარემონტო სამმართველოს საწარმოო-ტექნიკური განყოფილების უფროსი; 1967-1975წწ. მუშაობდა საქართველოს მშენებლობის სამინისტროს N10 ტრესტ "მაღლივმშენში" უფროს ინჟინრად, N6 სამშენებლო სამმართველოს მთავარ ინჟინრად, საწარმოო-ტექნოლოგიური კომპლექტაციის სამმართველოს მთავარ ინჟინრად; მივლინებული იყო ქ. ისპაჰანში (ირანის რესპუბლიკა) მეტალურგიული ქარხნის მშენებლობაზე ინჟინერ-ექსპერტად, უბნის უფროსად; 1975-1984წწ. მუშაობდა საბჭოთა კავშირის მშენებლობის საქმეთა სახელმწიფო კომიტეტის ("სახმშენის") ტიპური დაპროექტების ინსტიტუტის თბილისის ფილიალში მთავარ ინჟინრად; 1984-1986წწ. მუშაობდა რესპუბლიკური გაერთიანება "საქსაკოლმშენის" საწარმოო სამმართველოს უფროსად, გამგეობის წევრად; 1986-1992წწ. იყო საქართველოს მინისტრთა კაბინეტის მთავარ სამეურნეო სამმართველოში კაპიტალური მშენებლობის სამმართველოს მთავარი ინჟინერი და სამშენებლო-საპროექტო გაერთიანების დირექტორის მოადგილე; 1992-1994წწ. კონცერნ "ვარძიადან" მივლინრბული იყო ლიბიის არაბთა ჯამაჰერიაში ერთობლივი საწარმო "ლიბია-ჯორჯიას" გენერალური დირექტორის მოადგილედ, ხოლო 1997 წლამდე იყო კონცერნ "ვარძიას" კონსულტანტი; 1997-1998წწ. იყო საქართველოს ურბანიზაციისა და მშენებლობის სამინისტროს სამშენებლო პროდუქციის სერტიფიკაციის ცენტრალური ორგანოს დირექტორის მოადგილე; 1998-2003წწ. შპს "ევროსტანდარტი XXI" მშენებლობაში სერტიფიკაციის ორგანოს დირექტორის მოადგილე; 2003 წელს არჩეულ იქნა მშენებელ-ექსპერტთა კავშირის "მეკ XXI"ის გამგეობის თავმჯდომარედ; დაჯილდოებულია სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.610-611

• საქართველოს მშენებელთა ფედერაცია, წევრი

• საპატიო ნიშნის ორდენი
• საქართველოს დამსახურებული მშენებელი