გელა შენგელია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1971 წელს.

1971-1991წწ. მუშაობდა საქართველოს სასოფლო მშენებლობის სამინისტროს სამშენებლო-სამონტაჟო ტრესტ "საქსათბურმშენში" მშენებელ ოსტატად, სამუშაოთა მწარმოებლად, საწარმოო-ტექნიკური განყოფილების უფროსად, კომპლექტაციის სამმართველოს მთავარ ინჟინრად და უფროსად; 1991-1998წწ. იყო საქართველოს საბინაო-კომუნალური მეურნეობის სამინისტროს სამშენებლო ტრესტების - "საქკომუნრემმშენისა" და "საქკომუნმრეწვის" მმართველის მოადგილე და მმართველი; 1998 წლიდან იყო სს "სარაჯიშვილის" გენერალური დირექტორის მოადგილე და გენერალური დირექტორი; სააქციო საზოგადოების ტექნიკური დირექტორი; მნიშვნელოვანი წვლილი აქვს შეტანილი კრწანისის, ბიჭვინთის, კინდღის, ოხურეისა და წყალტუბოს სასათბურე კომბინატების მშენებლობაში; ხელმძღვანელობდა რსფსრ ვოლოგდის ოლქის არაშავმიწანიადაგიანი ზონისა და ყიზლარის ზამთრის საძოვრების ობიექტების, დაბა "ივერიის", ქ. თბილისის ძველი უბნების, თბილისის კონიაკის ქარხნის (ახლანდელი სს "სარაჯიშვილი") რეკონსტრუქციას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.612-613