ოთარ შენგელია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1963 წელს.

1964-1981წწ. მუშაობდა ქ. თბილისის გაზმომარაგების სამმართველოს "თბილგაზის" სისტემაში ოსტატად, უფროს ინჟინრად, კაპიტალური მშენებლობის განყოფილების უფროსად, საქარხნო რაიონის გაზის მეურნეობის კანტორის უფროსად; 1981-1985წწ. იყო ქ. თბილისის საქარხნო რაიონის საბინაო-საექსპლუატაციო ტრესტის მმართველი; 1985-2010წწ. ქ. თბილისის გაზმომარაგების სამმართველოს "თბილგაზის" გაზიფიკაციის სამსახურის უფროსი, სს "თბილგაზის" გენერალური დირექტორის მოადგილე მშენებლობის დარგში, ტექზედამხედველობისა და კაპიტალური მშენებლობის განყოფილების უფროსი; ხელმძღვანელობდა ქ. თბილისის საცხოვრებელი სახლების, სამრეწველო და საყოფაცხოვრებო-კომუნალური ობიექტების გაზმომარაგებას, საქალაქო გაზმომარაგების მაგისტრალური და შიდაკვარტალური გაზგაყვანილობის ქსელების მშენებლობასა და ექსპლუატაციას.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.616