ოთარ შუკაკიძე

დაბადების ადგილი: ქ. თბილისი.

დაამთავრა თბილისის რკინიგზის ტრანსპორტის ინჟინერთა ინსტიტუტი ხიდებისა და გვირაბების მშენებლობის სპეციალობით 1952 წელს.

1952-1957წწ. მუშაობდა საპროექტო ინსტიტუტ "სოიუზდორპროექტის" თბილისის ფილიალში ხელოვნური ნაგებობების განყოფილების ინჟინრად; 1957-1963წწ. საქართველოს მინისტრთა საბჭოსთან არსებული გზატკეცილების მთავარი სამმართველოს საპროექტო-სახარჯთაღრიცხვო ჯგუფის უფროსად; ტექნიკური სამმართველოს უფროსად; 1963-1968წწ. იყო საქართველოს გზატკეცილების მთავარი სამმართველოს უფროსის მოადგილე და მთავარი ინჟინერი, კოლეგიის წევრი; 1968-1977წწ. საქართველოს საავტომობილო გზების მინისტრის პირველი მოადგილე და კოლეგიის წევრი; ხელმძღვანელობდა საქართველოს მთელ ტერიტორიაზე მნიშვნელოვანი საგზაო დანიშნულების ობიექტების სამშენებლო-სარეკონსტრუქციო სამუშაოებს; მნიშვნელოვანი წვლილი აქვს შეტანილი საქართველოს საავტომობილო გზების ქსელისა და ინფრასტრუქტურის განვითარების საქმეში; დაჯილდოებული იყო საპატიო სიგელებითა და სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.622-623

• საქართველოს დამსახურებული ინჟინერი