გურამ ჩემია

დაბადების ადგილი: ქ. ფოთი.

დაამთავრა ფოთის ჰიდროსამელიორაციო ტექნიკუმი 1956 წელს; ოდესის საინჟინრო-სამშენებლო ინსტიტუტის სამრეწველო და სამოქალაქო მშენებლობის ფაკულტეტი ინჟინერ-მშენებლის კვალიფიკაციით 1961 წელს.

1961 წელს მუშაობა დაიწყო ქ. გუდაუთაში დისლოცირებულ საინჟინრო სამხედრო ნაწილში სამშენებლო უბნის სამუშაოთა მწარმოებლად; 1964-1965წწ. მუშაობდა საქართველოს მშენებლობის სამინისტროს სამშენებლო ტრესტ "ბიჭვინთმშენში" სამშენებლო უბნის უფროსად; 1966-1967წწ. იმავე ტრესტის N3 სამშენებლო სამმართველოს უფროსი იყო; 1968-1971წწ. მუშაობდა სამშენებლო ტრესტ "ბიჭვინთმშენის" სახარჯთაღრიცხვო და სახელშეკრულებო განყოფილების უფროსად; 1972 წელს დაინიშნა იმავე ტრესტის N1 სამშენებლო სამმართველოს უფროსად; 1975-1978წწ. მუშაობდა საქართველოს ხორცისა და რძის მრეწველობის სამინისტროს კაპიტალური მშენებლობის სამმართველოს მთავარ სპეციალისტად; კურირებდა ბზიფის ხორცკომბინატის კომპლექსის მშენებლობას; 1979-1982წწ. იყო ქ. გაგრის საქალაქო საბჭოს აღმასკომთან არსებული საპროექტო ბიუროს მთავარი ინჟინერი; 1982-1985წწ. მუშაობდა ქ. გაგრის მხატვრული გაფორმების კომბინატის დირექტორად; 1985-1992წწ. იყო ქ. გაგრის საქალაქო საბჭოს აღმასკომთან არსებული საპროექტო ბიუროს უფროსი; 1992 წლის ნოემბრიდან, აფხაზეთიდან დევნილობაში მყოფი, მუშაობდა უკრაინაში, ქ. ნიკოლაევის ერთ-ერთ სამშენებლო ორგანიზაციაში საწარმოო-ტექნიკური განყოფილების უფროსად; მონაწილეობდა და ხელმძღვანელობდა გუდაუთის რაიონისა და ქ. გაგრის ზონის ტერიტორიაზე საცხოვრებელი სახლების, კულტ-საგანმანათლებლო და საზოგადოებრივი დანიშნულების ობიექტების, საკურორტი და სამრეწველო კომპლექსების მშენებლობას; დიდი წვლილი აქვს შეტანილი ბიჭვინთის მაღლივი პანსიონატების საერთაშორისო მნიშვნელობის საკურორტო კომპლექსის მშენებლობაში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.632