ტუგული ჩიქვინიძე

დაბადების ადგილი: სოფელი დიმი, ბაღდათის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1958 წელს.

1958-1983წწ. მუშაობდა საქართველოს მშენებლობის სამინისტროს N2 სამშენებლო ტრესტში საპროექტო ჯგუფის ინჟინრად, N5 სამშენებლო სამმართველოს ოსტატად, სამუშაოთა მწარმოებლად, უფროს სამუშაოთა მწარმოებლად, N3 სამშენებლო სამმართველოს უფროსად; 1983-1993წწ. იყო საქართველოს სასოფლო მშენებლობის სამინისტროს გორის N3 სამშენებლო ტრესტის მმართველი; 1993 წლიდან სს "საწარმოო უზრუნველყოფის" გენერალური დირექტორია; მისი მონაწილეობითა და ხელმძღვანელობით, მცხეთა-მთიანეთის რეგიონში, შიდა ქართლსა და ქ. თბილისში აშენდა სასოფლო-სამეურნეო, გადამამუშავებელი მრეწველობის, სოციალურ-კულტურული დანიშნულების მრავალი ობიექტი, მათ შორის - თბილისის ი. ჯავახიშვილის სახელობის სახელმწიფო უნივერსიტეტის მაღლივი კორპუსი, მირიანის მეფრინველეობის უმსხვილესი კომპლექსი, სოფელ საქადაგიანოში სტიქიით დაზარალებული მოსახლეობისთვის საცხოვრებელი სახლები და სხვა.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.639

• მედალი "შრომითი წარჩინებისთვის"
• საპატიო ნიშნის ორდენი