გიზო ცაგურია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1965 წელს; საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის ასპირანტურა 1970 წელს.

1970-1978წწ. მუშაობდა თბილისის ზონალურ ს/კ, ტიპური და ექსპერიმენტული პროექტირების ინსტიტუტის ("თბილზნიიეპი") სეისმომედეგი მშენებლობის ლაბორატორიის უმცროს და უფროს მეცნიერ-თანამშრომლად; 1978-1990წწ. იყო საქართველოს მშენებლობის სამინისტროს N13 სამშენებლო ტრესტის განყოფილების უფროსი, N7 სამშენებლო სამმართველოსა და ტრესტის მთავარი ინჟინერი; 1990-1992წწ. მუშაობდა ასოციაცია "ხეთას"გენერალური დირექტორის პირველ მოადგილედ; 1993 წლიდან საგარეო-ეკონომიკურ ურთიერთობათა სახელმწიფო კომიტეტში მშენებლობის, ტრანსპორტისა და ტელესაკომუნიკაციო სისტემების განყოფილების გამგედ; 1996-2008წწ. შპს "N13 ტრესტისა და კომპანიის" საინჟინრო უზრუნველყოფის სამსახურის უფროსად; 2005-2010წწ. შპს "ცენტრ-პოინტ ჯგუფის" მშენებლობის მენეჯერად; 2010 წლიდან შპს "დექსუსის" მთავარი სპეციალისტია; მონაწილეობდა თბილისის სკოლამდელი, სასკოლო და უმაღლესი განათლების, ჯანმრთელობის, კულტურის, სპორტული და ადმინისტრაციული დანიშნულების ობიექტების მშენებლობაში; არის ტექნიკის მეცნიერებათა კანდიდატი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.660-661