დავით ჩუბინიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1967 წელს; საქართველოს მეცნიერებათა  აკადემიის  ხელოვნების ისტორიის ინსტიტუტის ასპირანტურა 1970 წელს და სცენარისტებისა და რეჟისორების უმაღლესი კურსები მოსკოვში 1978 წელს.

მისი სცენარებით გადაღებულია: "ფრესკა" (ო. გვასალია, 1971), "მატჩის დირიჟორი" (ჯ. ებრალიძე, 1980), "ქალბატონ მარიამის უკანასკნელი მოგზაურობა" (ს. ჩხაიძე, 1991), დაუმთავრებელი მხატვრული ფილმები: "იმედის მწვანე კუნძული" (ო. გვასალია, 1978), "საფეხური" (ა. რეხვიაშვილი, 1986), "მამა, შვილი და ნიავი" (გ. ჭყონია, 1988), "აპრილის სუსხი" (თ. ბზიავა, 2009), ანიმაციური ფილმი "მოლოდინი" (დ. თაყაიშვილი, 1990); როგორც რეჟისორმა 1997-1999წწ. გადაიღო სატელევიზიო დოკუმენტური ფილმების სერია: "დანაკარგები" (იტალიელი პოეტი და კინოდრამატურგი ტონინო გუერა), "წონასწორობა" (კინოდრამატურგი და თოჯინების საავტორო თეატრის ხელმძღვანელი რეზო გაბრიაძე), "მემკვიდრეობა" (ბალერინა ნინო ანანიაშვილი), სათამაშო სივრეცე" (სცენოგრაფი გოგი ალექსი-მესხიშვილი). დოკუმენტური ფილმები: "თბილისში გავისეირნოთ" (2002), "მარიამ!" (2002), "ჩემი ბიძა-პეტრე ოცხელი"(2003), "მუსიკალური მომენტი" (პიანისტი ელისო ვირსალაძე), "პროფესია ბალეტმეისტერი" (ქორეოგრაფი გოგი ალექსიძე), "მე ვარ მხატვარი" (მხატვარი ედმუნდ კალანდაძე), "შეხება" (მოქანდაკე გია ჯაფარიძე, ოთხივე -2005), "თიბათვე" (2006); როგორც მსახიობმა მთავარი როლები შეასრულა ფილმებში: "მწერვალი" (მ. კიკაჩეიშვილი, 1976) და "მამა, შვილი და ნიავი". მონაწილეობს ფილმებში: "ექვსი თოვლიანი დღე" (ი. კვაჭაძე, 1986), "დღესასწაული" (ბ. ოდიშარია, 1988).

წყარო: ქართული კინო, 1896-2011.- თბ., 2011.- გვ. 199