ვასილ ჯალიაშვილი

დაბადების ადგილი: სოფელი ფანია, სიღნაღის რაიონი. 

დაამთავრა ამიერკავკასიის გეოლოგიურ-საძიებო ტექნიკუმი მატერიალურ საბადოთა ძიების ტექნიკოს-გეოლოგ მაძიებლის სპეციალობით 1935 წელს.

1947 წელს მოსკოვის ს. ორჯონიკიძის სახელობის გეოლოგიურ-საძიებო ინსტიტუტი სამთო ინჟინერ-ჰიდროგეოლოგიისა და საინჟინრო გეოლოგიის სპეციალობით. 1935-1037 წლებში მუშაობდა "სოიუზმიშიაკის" სვანეთის გეოლოგიურ პარტიაში ტექნიკოს-გეოლოგად, 1937-1040 წლებში შორეულ აღმოსავლეთში სკოვოროდინის (ჩიტის ოლქი) ჰიდროგეოლოგიურ პარტიაში, 1941 წელს - მოსკოვის გეოლოგიურ-საძიებო ინსტიტუტის ბაქოს ექსპედიციის სამუშაოთა მწარმოებლად, 1947-1949 წლებში საქართველოს კურორტოლოგიისა და ფიზიოთერაპიის სამეცნიერო კვლევითი ინსტიტუტის ახტალის ჰიდროგეოლოგიური ექსპედიციის სამუშაოთა მწარმოებლად, 1950-1952 წლებში - ამავე ინსტიტუტის ჯავის ჰიდროლოგიური ექსპედიციის უფროსად, 1954-1955 წლებში - საქართველოს კურორტოლოგიისა და ფიზიოთერაპიის ინსტიტუტის ინჟინერ-გეოლოგად, ფიზიკურ-ქიმიური ლაბორატორიის გამგედ, 1955 წლიდან - ამავე ინსტიტუტის ჰიდროლოგიური განყოფილების გამგედ, ხოლო 1968 წლიდან გარდაცვალებამდე - ჰიდრომინერალური რესურსების შემსწავლელი დარგის ხელმძღვანელად. გეოლოგია-მინერალოგიის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.17; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.280

• 1999 - საქართველოს ღირსების ორდენი
• 1998 - ღირსების მედალი
  მოსახლეობის ჯანმრთელობის დაცვაში შეტანილი პირადი დიდი წვლილისა და სისტემის რეორიენტაციის პროცესში აქტიური მონაწილეობისათვის
• 1985 - სამამულო ომის I ხარისხის ორდენი
• სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)