ეთერ ციციშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი არქიტექტურის სპეციალობით 1941 წელს.

წლების განმავლობაში (18 წელი) მუშაობდა საქართველოს მინისტრთა საბჭოს სახელმწიფო საგეგმო კომისიის კაპიტალური მშენებლობის განყოფილებაში და შემდეგ საპროექტო ინსტიტუტ "საქქალაქმშენსახპროექტში" საწარმოო განყოფილების უფროსად; წლების განმავლობაში მისი ავტორობით ეთერში გადაიცა 60-ზე მეტი ტელეგადაცემა პროფესიონალ და მოყვარულ-თვითნასწავლ მხატვართა და ხალხურ ოსტატთა ნამუშევრების შესახებ რესპუბლიკური გამოფენებიდან, აგრეთვე მათი ცალკეული ტელე-პორტრეტები და ტელე-რეპორტაჟები; მონაწილეობდა მრავალ საერთაშორისო, საკავშირო და რესპუბლიკურ სიმპოზიუმებსა და კონფერენციებში; დამუშავებული აქვს 40-ზე მეტი სამეცნიერო კვლევითი თემა დიზაინის სხვადასხვა სფეროში, 95 ექსპერტიზა ეკონომიკის დარგებში, ქალაქების, კურორტებისა და დასახლებული პუნქტების ტექნიკურ-ეკონომიკური დასაბუთება; საქართველოს არქიტექტორთა კავშირში, მის მიერ გამოცემულ წიგნს მიენიჭა "წლის საუკეთესო წიგნის" (ორტომეულის) სიგელი, დიპლომი და პრემია (1998); ხელოვნებათმცოდნეობის კანდიდატი, დოცენტი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.672; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.318

• "წიგნის მოყვარულთა" პირველადი საზოგადოება, თავმჯდომარე
• საზოგადოება "ცოდნა", თავმჯდომარე
• საქართველოს არქიტექტორთა კავშირი, წევრი (1960-)
• საქართველოს დიზაინერთა კავშირი (1987-)
• საქართველოს მხატვართა კავშირი, წევრი (1985-)
• საქართველოს ფსიქოლოგთა გაერთიანება, წევრი (1969-)

• 2000 - ღირსების ორდენი
• 1990 - საქართველოს დამსახურებული მხატვარ-დიზაინერი