დემნა ყარაულაშვილი

დაბადების ადგილი: ქ. ქუთაისი.

დაამთავრა მოსკოვის მსუბუქი მრეწველობის ტექნოლოგიური ინსტიტუტის ქიმიურ-ტექნოლოგიური ფაკულტეტი ინჟინერ-ტექნოლოგის სპეციალობით 1964 წელს.

1962-1973 წლებში მუშაობდა რუსთავის საწარმოო გაერთიანება "აზოტში" მეაპარატედ, ცვლის ოსტატად, კორპუსის უფროსად, საამქროს უფროსად, კაპროლაქტამის ქარხნის მთავარ ინჟინრად, ამავე ქარხნის დირექტორად და საწარმოო გაერთიანების კომერციულ დირექტორად. 1973-1975 წლებში იგი იყო თბილისის საყოფაცხოვრებო ქიმიის საწარმოო გაერთიანების გენერალური დირექტორი, 1975-1977 წლებში - ამიერკავკასიის შრომის მეცნიერული ორგანიზაციის ცენტრის დირექტორის მოადგილე, 1977-1986 წლებში - "ლაქსაღებავდაფარვის" სპეციალური საპროექტო-საკონტროლო ბიუროს განყოფილების გამგე, 1986-1993 წლებში - სრულიად საქართველოს საზოგადოებრივი ორგანიზაცია "კახეთის" პრეზიდენტის მოადგილე, 1995-1999 წლებში - ტექნიკური ზედამხედველობის სახელმწიფო ინსპექციის უფროსის მოადგილე. 1999 წლიდან - პენსიონერი. საქართველოს მრეწველობის დამსახურებული მუშაკი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.28

• საქართველოს სახელმწიფო პრემია, მეცნიერებისა და ტექნიკის დარგში
• საპატიო ნიშნის ორდენი