ვასილ კოპალეიშვილი

დაბადების ადგილი: ქ. სამტრედია.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი ლითონთა წნევით დამუშავების სპეციალობით 1955 წელს.

1955-1960 წლებში მუშაობდა ქ. ხარციზსკის (უკრაინა) ფოლადის მავთულებისა და ბაგირების ქარხანაში ოსტატის თანაშემწედ, ოსტატად, ცვლის უფროსად. 1961-1964 წლებში იყო საქართველოს პოლიტექნიკური ინსტიტუტის ლითონთა ტექნოლოგიისა და ლითონმცოდნეობის კათედრის ასისტენტი, 1964-1967 წლებში - ამავე კათედრის ასპირანტი, 1967-1969 წლებში - კვლავ ასისტენტი, 1970 -1988 წლებში - დოცენტი, 1989-1992 წლებში - მასალების თვისებების ლაბორატორიის გამგე, ამავე ლაბორატორიის სამეცნიერო ხელმძღვანელი, 1992 წლიდან - მასალებისა და დამუშავების კათედრის (ამჟამად - ჩამოსხმის, შედუღებისა და ახალი ტექნოლოგიური პროცესების კათედრა) გამგე. ტექნიკურ მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.29; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.36; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge; საქართველო: ენციკლოპედია: ტ.5. -თბ.,2023. -გვ. 169

• საქართველოს საინჟინრო აკადემია, აკადემიკოსი

• 2000 - ღირსების ორდენი
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  ეკონომიურად ლეგირებული ფოლადებისა და პროგრესული ტექნოლოგიური პროცესების შემუშავება-დანერგვა საწარმოო ციკლში ''ფოლადი - მზა პროდუქცია''