ოთარ იოსელიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი შავი ლითონების მეტალურგიის სპეციალობით 1960 წელს, ხოლო 1965 წელს ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტი მყარი ტანის ფიზიკის სპეციალობით.

1960-1961 წლებში მუშაობდა რუსთავის მეტალურგიული ქარხნის მარტენის საამქროში ჯერ მეფოლადის ხელშემწყობად, შემდეგ - საკვლევი ჯგუფის ხელმძღვანელად, 1961-1968 წლებში იყო  საქართველოს პოლიტექნიკური ინსტიტუტის შავი ლითონების მეტალურგიის კათედრის ასისტენტი, უფროსი მასწავლებელი, 1968-1976 წლებში - ამავე ინსტიტუტის ლითონმცოდნეობისა და ლითონთა ტექნოლოგიის კათედრის დოცენტი. 1976-1980 წლებში მიავლინეს ალჟირის სახალხო-დემოკრატიულ რესპუბლიკაში მსუბუქი მრეწველობის სამინისტროს სასწავლო ინსტიტუტში ლექციების წასაკითხად. 1981 წლიდან გარდაცვალებამდე იყო საქართველოს ტექნიკური უნივერსიტეტის ლითონმცოდნეობისა და ლითონთა ტექნოლოგიის კათედრის დოცენტი. ტექნიკის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.30; საქართველო: ენციკლოპედია: ტ. IV. -თბ., 2018. -გვ.340

• საქართველოს სახელმწიფო პრემია, მეცნიერებისა და ტექნიკოს დარგში (ერთობლივი გამარჯვება)
  ეკონომიურად ლეგირებული ფოლადებისა და პროგრესული ტექნოლოგიური პროცესების შემუშავება-დანერგვა საწარმოო ციკლში ''ფოლადი - მზა პროდუქცია''