ელიზბარ ცისკარიშვილი

დაბადების ადგილი: ქ. განჯა (აზერბაიჯანი).

დაამთავრა საქართველოს ინდუსტრიული ინსტიტუტის სამთო ფაკულტეტი სამთო ინჟინრის სპეციალობით 1938 წელს.

1938-1940წწ. - აბასთუმნის საკურორტო სამმართველოს ინჟინერი; 1940-1944წწ. - კასპის ცემენტის ქარხანაში კარიერის ტექნიკური ხელმძღვანელი; 1944 წლიდან საქართველოს პოლიტექნიკური ინსტიტუტი, გვირაბების გაყვანისა და გამაგრების კათედრის ასისტენტი; 1952 წელს დაიცვა საკანდიდატო დისერტაცია ტექნიკურ მეცნიერებათა კანდიდატის სამეცნიერო ხარისხის მოსაპოვებლად; 1954 წლიდან - ამავე კათედრის დოცენტი; 1962 წლიდან, შეთავსებით, პოლიტექნიკური ინსტიტუტის სამეცნიერო-საკვლევი განყოფილების უფროსი; 1974-1989წწ. - საქართველოს პოლიტექნიკური ინსტიტუტის სასარგებლო წიაღისეულის საბადოთა დამუშავების კათედრის პროფესორი და კათედრის გამგე; 1970-1982წწ. - საქართველოს პოლიტექნიკური ინსტიტუტის სამეცნიერო შრომებისა და სახელმძღვანელოების პუბლიკაციის სექტორის გამგე. მან სამთო სპეციალობის სტუდენტებისათვის შექმნა ორიგინალური სახელმძღვანელოები; 5 საავტორო მოწმობისა და მრავალი პუბლიკაციის ავტორი; რესპუბლიკის ჟურნალ-გაზეთებში იგი სისტემატურად აქვეყნებდა პუბლიკაციებს ქვეყნის საზოგადოებირივი ცხოვრების აქტუალურ საკითხებზე. ტექნიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.38; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.161-162; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.279

• 1995 - ღირსების ორდენი
• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  სახელმძღვანელოს შექმნისათვის "შახტა-ლაბორატორია: უმაღლესი სკოლის სასწავლო-საწარმოო ბაზის ახალი ფორმა"

• მიწისქვეშა ნაგებობათა მშენებლობის ტექნოლოგია და მექანიზაცია : სახელმძღვანელო პოლიტექნ. ინ-ტის სამთო სპეც. სტუდენტებისათვის (ავტორი) // ნაწ. 2, ვერტიკალური გვირაბები. - თბილისი, განათლება, 1987. - 299გვ.
• ჰორიზონტალური და დახრილი გვირაბების მშენებლობის ტექნოლოგია : დამხმ. სახელმძღვ. (ავტორი). - თბილისი, საქ. პოლიტექნ. ინ-ტი, 1986. - 107გვ.
• მიწისქვეშა ნაგებობათა მექანიკა : სახელმძღვ. უმაღლ. ტექნ. სასწავლებლებისათვის. - თბილისი, განათლება, 1984. - 354გვ.
• ქანების დანგრევა აფეთქებით : სახელმძღვ. უმაღლ. ტექნ. სასწ. სტუდენტებისათვის (ავტორი). - თბილისი, განათლება, 1980. - 366გვ.
• მიწისქვეშა ნაგებობათა და შახტების მშენებლობის ტექნოლოგია და მექანიზაცია (ავტორი) // ნაწ. 1. - თბილისი, განათლება, 1974. - 495გვ.