ალეკო ძოწენიძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1959 წელს.

1959-1964წწ. მუშაობდა "ცეკავშირის" სამშენებლო ტრესტის ქუთაისის N5 სამშენებლო სამმართველოში ოსტატად, სამუშაოთა მწარმოებლად, წყალტუბოს სანატორიუმ "ცენტროსოიუზის" მშენებლობაზე სამუშაოთა მწარმოებლად; 1964-1973წწ. საბჭოთა კავშირის მანქანათმშენებლობის სამინისტროს სამშენებლო-სარემონტო სამმართველოში სამუშაოთა მწარმოებლად; 1973-1985წწ. მუშაობდა ქუთაისის პარტიულ და საბჭოთა ორგანოებში; იყო საქართველოს კომპარტიის ქუთაისის ქალაქკომის ინსტრუქტორი, განყოფილების გამგე, საქალაქო საბჭოს აღმასკომის კაპიტალური მშენებლობის სამმართველოს უფროსი, აღმასკომის თავმჯდომარის მოადგილე, პირველი მოადგილე; 1985 წლიდან მუშაობდა ქუთაისის სახლსაშენ კომბინატში მთავარ ინჟინრად, ქუთაისის სპეცსამშენებლო-სამონტაჟო სამმართველო "ინჟმშენის" უფროსად, რეორგანიზაციის შემდეგ სამშენებლო ფირმა "ინჟმშენსერვისის" ხელმძღვანელად; წლების განმავლობაში აქტიურად მონაწილეობდა ქუთაისის საავტომობილო ქარხნის რეკონსტრუქციისა და ქუთაისის საბინაო-კომუნალური, ასევე მნიშვნელოვანი კულტ-საგანმანათლებლო დანიშნულების და სამრეწველო ობიექტების მშენებლობაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.682