ირაკლი ღვალაძე

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1995 წელს; ამავე უნივერსიტეტის იურიდიული ფაკულტეტის ასპირანტურა 1998 წელს.

1995-2002 წწ. მუშაობდა სახელმწიფო ქონების მართვის სამინისტროს იურიდიულ დეპარტამენტში (სპეციალისტი, მთავარი სპეციალისტი, დეპარტამენტის უფროსის მოადგილე, დეპარტამენტის უფროსი); 2003-2005 წწ. იურიდიული მრჩეველი საერთაშორისო საფინანსო კორპორაცია IFC-ში ბიზნესის მხარდაჭერის პროგრამის კორპორაციული მართვის პროექტში; 2005-2008 წწ. გარემოს დაცვისა და ბუნებრივი რესურსების სამინისტროში (მინისტრის მოადგილე, მინისტრის პირველი მოადგილე); 2008 წელს დაინიშნა საქართველოს გარემოს დაცვისა და ბუნებრივი რესურსების მინისტრად; 2008 წლის აგვისტოში ხელმძღვანელობდა რუსეთის საომარი მოქმედებების შედეგად ბორჯომის ხეობაში გაჩენილი მასშტაბური ხანძრის ლიკვიდაციის სამუშაოებს; 2009-2010 წწ. ფინანსთა სამინიტროში (მინისტრის მოადგილე, საპარლამენტო მდივანი); მისი უშაულო მონაწილეობით მომზადებული და საქართველოს პარლამენტის მიერ მიღებული იქნა რამდენიმე საკანონმდებლო აქტი; 2010-2014 წწ. სსიპ ინტელექტუალური საკუთრების ეროვნულ ცენტრში, საქპატენტში (გენერალური დირექტორი, თავმჯდომარე); 2014 წლიდან სსიპ "საქართველოს ეროვნული მუზეუმში" (გენერალური დირექტორის მრჩეველი, გენერალური დირექტორის მოადგილე, აღმასრულებელი დირექტორი); 2012 წელს იყო თსუ სამართალმცოდნეობის ფაკულტეტის მოწვეული ლექტორი; 2013-2018 წწ. ილიას სახელმწიფო უნივერსიტეტის ბიზნეს-სკოლის მოწვეული ლექტორი; 2018 წლიდან ბიზნესის ტექნოლოგიების უნივერსიტეტის (BTU) ბიზნესის სკოლის ასოცირებული პროფესორი.