ლილი ხევსურიანი

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ფილოლოგიის სპეციალობით 1956 წელს.

1956-1957 წლებში იყო კასპის რაიონის სოფელ ქვემოჭალის საშუალო სკოლის გერმანული ენის მასწავლებელი, 1959-1968 წლებში - საქართველოს სახელმწიფო წიგნის პალატის ბიბლიოგრაფი, უფროსი ბიბლიოგრაფი, რეტროსპექტული ბიბლიოგრაფიის სექტორის გამგე, 1968-1972 წლებში - საქართველოს მეცნიერებათა აკადემიის კ. კეკელიძის სახელობის ხელნაწერთა ინსტიტუტის უფროსი ბიბლიოგრაფი, 1972-1975 წლებში - უმცროსი მეცნიერი თანამშრომელი, 1975-1987 წლებში - ამავე ინსტიტუტის სწავლული მდივანი, 1989-2004 წლებში - კოდიკოლოგიისა და ტექნოლოგიის განყოფილების ხელმძღვანელი. 2005-2020წწ. ამავე ინსტიტუტის უფროსი მეცნიერი თანამშრომელი. ფილოლოგიის მეცნიერებათა კანდიდატი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.52

• საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში ძველი ქართული მწერლობის ძეგლის "უძველესი იადგარის" გამოკვლევისა და გამოსაცემად მომზადებისათვის