იური ჭანბა

დაამთავრა საქართველოს ინდუსტრიული ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1938 წელს.

მუშაობდა აფხაზეთის ავტონომიური რესპუბლიკის სხვადასხვა სამშენებლო ორგანიზაციებში მშენებელ ოსტატად; 1945 წლიდან მუშაობას იწყებს დონბასში შახტმშენებელ სამმართველოში მშენებელ ინჟინრად; 1949 წელს დაინიშნა სამთო სამუშაოთა უბნის უფროსად; იყო იმავე სამმართველოს უფროსი; 1958 წელს სამშობლოში ბრუნდება და ინიშნება საქართველოს მშენებლობის სამინისტროს N6 სამშენებლო ტრესტის მმართველად; 1960 წელს პარტიულ სამუშაოზე გადაჰყავთ ტყვარჩელში, პარტიის საქალაქო კომიტეტის პირველ მდივნად; 1961-1963წწ. იყო საქართველოს კპ ცენტრალური კომიტეტის მშენებლობისა და საქალაქო მეურნეობის განყოფილების გამგე; 1963-1965წწ. საქართველოს კპ აფხაზეთის ასსრ საოლქო კომიტეტის მდივანი; 1965 წლიდან აფხაზეთის ასსრ მინისტრთა საბჭოს თავმჯდომარის მოადგილე მშენებლობის დარგში და სახელმწიფო საგეგმო კომიტეტის თავმჯდომარე; დიდი წვლილი აქვს შეტანილი აფხაზეთის ავტონომიური რესპუბლიკის სახალხო მეურნეობის განვითარების, ქალაქებისა და რაიონების განაშენიანების საქმეში, მსხვილი საკურორტო და სასოფლო-სამეურნეო კომპლექსების მშენებლობაში, კომუნალური და კულტურულ-საგანმანათლებლო ინფრასტრუქტურის განვითარების საქმეში; დაჯილდოებული იყო საკავშირო და რესპუბლიკის სახელმწიფო ჯილდოებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.691