აკაკი ჭანტურია

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ჰიდროტექნიკური მშენებლობის სპეციალობით 1969 წელს; მოსკოვის სახალხო მეურნეობის აკადემიის ეკონომიკის ფაკულტეტი 1985 წელს.

მუშაობდა საქართველოს ენერგეტიკისა და ჰიდროტექნიკურ ნაგებობათა ს/კ ინსტიტუტში, საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის დირექტორის მოადგილედ სამეცნიერო ნაწილში, საქართველოსა და თბილისის საბჭოთა მმართველობით ორგანოებში მშენებლობისა და კომუნალური მეურნეობის დარგის ხელმძღვანელ თანამდებობებზე; ხელმძღვანელობს საქართველოს საგადასახადო შემოსავლების სამსახურის საბაჟო დეპარტამენტის სისტემის ფუნქციონირების უზრუნველყოფის სამმართველოს, რომელიც ემსახურება ამ ახალი უწყების მატერიალურ-ტექნიკური ბაზის განვითარებას; წლების განმავლობაში მონაწილეობდა დედაქალაქის მრავალი ღირშესანიშნავი ობიექტის მშენებლობა-განვითარებაში, "დინამოს" სტადიონის რეკონსტრუქციაში; ტექნიკის მეცნიერებათა კანდიდატი; საქართველოში და საზღვარგარეთ გამოქვეყნებული არაერთი სამეცნიერო ნაშრომისა და სტატიის ავტორი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.693