კუკური ჭანჭალეიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი საავტომობილო და საქალაქო გზების მშენებლობის სპეციალობით 1950 წელს.

მუშაობა დაიწყო საბჭოთა კავშირის შინაგან საქმეთა სამინისტროს საპროექტო ინსტიტუტ "სოიუზდორპროექტის" საქართველოს ფილიალის საგზაო განყოფილების ინჟინრად; 1952 წელს არჩეულ იქნა თბილისის ოქტომბრის (ამჟამად ჩუქურეთის) რაისაბჭოს აღმასკომის თავმჯდომარის მოადგილედ; 1957 წელს იმავე რაიონის პარტიის რაიკომის მდივნად; 1960 წელს არჩეულ იქნა ორჯონიკიძის (ამჟამად ვაკის) რაისაბჭოს აღმასკომის თავმჯდომარედ და 1961 წლიდან იყო ამავე რაიონის პარტიის რაიკომის პირველი მდივანი; 1965-1973წწ. მუშაობდა საქართველოს მშენებლობის სამინისტროს ტრესტ "ორგტექმშენის" მმართველად და ამავე სამინისტროს N3 სამშენებლო ტრესტ "თბილმრეწვმშენის" მმართველად; 1976-1982წწ. იყო საქართველოს სსრ შინაგან საქმეთა სამინისტროს საინჟინრო სამეცნიერო-კვლევითი ლაბორატორიის უფროსი; დაჯილდოებული იყო სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.695