იუზა წირღვავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი ლითონთა წნევის დამუშავების სპეციალობით 1954 წელს.

1954-1964 წლებში იგი მუშაობდა რუსთავის მეტალურგიული ქარხნის ფურცელსაგლინავ საამქროში მუშად, საამქროს ოსტატად, საამქროს უფროსის მოადგილედ. 1964 წელს იგი გადაიყვანეს რუსთავის ქალაქის საბჭოს პარტიული კონტროლის კომიტეტის თავმჯდომარედ, 1968 წელს - რუსთავის ქიმიური კომბინატის პარტორგანიზაციის მდივნად, 1971 წელს - საქართველოს კპ ცკ-ს მძიმე მრეწველობის განყოფილების ინსტრუქტორად. 1973 წლიდან იგი იყო საბჭოთა კავშირის ფერადი მეტალურგიის სამინისტროს საქართველოს ფერადი მეტალურგიის სამმართველოს უფროსი. 1989 წელს მან შექმნა გერმანიის ფედერაციული რესპუბლიკისა და საქართველოს ერთობლივი საწარმო "ალუ-საქართველო" და 2000 წლამდე იყო მისი პრეზიდენტი. მიღებული აქვს სსრკ მინისტრთა საბჭოს პრემია (1985).

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.65

• საქართველოს დამსახურებული ინჟინერი
• საქართველოს სახელმწიფო პრემია, მეცნიერებისა და ტექნიკის დარგში
  1988-1993 წლებში შესრულებული ნაშრომისათვის -"ალუმინთერმული მეთოდით საწარმოო ნარჩენებისაგან ფეროსილიკოალუმინის კომპლექსური შენადნობის მიღებისა და ფოლადის განჟანგვის პროცესში მისიგამოყენების ტექნოლოგიის დანერგვა