იუზა ხარაბაძე

დაბადების ადგილი: სოფელი ჯიხაიში, სამტრედიის რაიონი.

დაამთავრა საქართველოს რკინიგზის ტრანსპორტის ინჟინერთა ინსტიტუტის სამშენებლო ფაკულტეტი 1959 წელს.

შრომითი საქმიანობა დაიწყო საქართველოს კვების მრეწველობის სამინისტროს სამშენებლო სამმართველოში სამუშაოთა მწარმოებლად, უბნის უფროსად; 1967 წლიდან მუშაობდა საკავშირო დაქვემდებარების სამშენებლო-სამონტაჟო ტრესტ "სამხრეთლითონკონსტრუქციის" რუსთავის ლითონკონსტრუქციების სამშენებლო-სამონტაჟო სამმართველოში უბნის სამუშაოთა მწარმოებლად და მთავარ ინჟინრად; მივლინებული იყო ირანში, ისპაჰანის მეტალურგიული ქარხნის მშენებლობაზე უფროს სპეციალისტად; იყო სამშენებლო-სამონტაჟო სამმართველო "თბილფოლადკონსტრუქციის" უფროსი, გენერალური დირექტორი და სამეთვალყურეო საბჭოს თავმჯდომარე; მონაწილეობდა საქართველოსა და სომხეთის მთელი რიგი ობიექტების, მათ შორის, თოთხმეტსართულიანი სახლების, საქართველოს მშენებლობის სამინისტროს ადმინისტრაციული კორპუსის (თბილისში), თბილისისა და ერევნის ტელეანძების, ქუთაისის საავტომობილო ქარხნის, რუსთავის ქიმკომბინატისა და კაპროლაქტამის წარმოების, თურქეთ-საქართველოს ახალციხის საბაჟოზე წარმოებულ სარეკონსტრუქციო და ლითონკონსტრუქციების სამონტაჟო სამუშაოებში; მიღებული აქვს სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.712

• საქართველოს დამსახურებული ინჟინერი