ჯამბულ ხარატიშვილი

დაბადების ადგილი: ქ. ლაგოდეხი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1969 წელს.

1968 წლიდან მუშაობდა საპროექტო ინსტიტუტში ტექნიკოსად, ინჟინერ-კონსტრუქტორად; წლების განმავლობაში მუშაობდა რესპუბლიკურ სამშენებლო გაერთიანება "საქკოლმშენში"; საქართველოში აგროსამრეწველო კომპლექსის შექმნის შემდეგ, იყო ტრესტ "აგრომშენკომპლექტის" მმართველის მოადგილე, უძღვებოდა სისტემის ხე-ტყითა და სამშენებლო მასალებითა და ნაკეთობებით კომპლექტაციას; მონაწილეობდა კრასნაგორსკის (საგარეჯოს რაიონში), როდინაულისა (ზესტაფონის რაიონში) და რატევნის (ბოლნისის რაიონში) მეცხოველეობის კომპლექსების, ჩოხატაურის მეფრინველეობის ფაბრიკის (25 000 ფრინველზე), თერჯოლის რკინაბეტონის ქარხნის მშენებლობაში; ხელმძღვანელობდა, პირველად "საქკოლმშენის" სისტემაში, მცხეთის რკინაბეტონის პოლიგონზე 12-მეტრიანი წინასწარ დაძაბული რკინაბეტონის კოჭებისა და ფერმების დამზადებას; მისი ინიციატივით, ტაიგაში, ხანტი-მანსიის ოლქში, მდინარე ობის ნაპირებზე გაშენდა დასახლება "ქართული სოფელი", რომელიც უზრუნველყოფდა საქართველოს მშენებლობის ხე-ტყით კომპლექტაციას; წლების განმავლობაში ნაყოფიერად საქმიანობდა საქართველოს მშენებელთა საზოგადოებრივ საბჭოში; აქტიურად მონაწილეობდა სამეცნიერო-ტექნიკური, არქიტექტურულ-სამშენებლო, ინტელექტუალურ-საპატენტო და ეკონომიკური ტერმინების მცირე ლექსიკონის შედგენაში.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.713