გია ხახუტაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამშენებლო ტექნოლოგიის სპეციალობით 1971 წელს; მოსკოვის ბეტონისა და რკინაბეტონის კვლევითი ინსტიტუტის ასპირანტურა (1972-1975).

1976 წლიდან მუშაობს საქართველოს ტექნიკური უნივერსიტეტის საშენი მასალებისა და ნაკეთობების კათედრაზე დოცენტის თანამდებობაზე; მიჰყავს ოთხი სამშენებლო დისციპლინა; არის ასპირანტების, მაგისტრანტების, საკურსო და სადიპლომო გეგმარების ხელმძღვანელი; ოპონირებდა და იყო რეცენზენტი სადისერტაციო და სხვა სამეცნიერო-ტექნიკური სამუშაოებისა საშენი მასალებისა და ნაკეთობების სფეროში; 1982-1983წწ. და 1994 წლებში გადიოდა სტაჟირებას გერმანიაში; არის მიუნხენის ტექნიკური და ესენის უნივერსიტეტების დოქტორი; მონაწილეობდა მჭიდა მასალების, შემვსებების და ბეტონის სტრუქტურის შესწავლის კვლევით სამუშაოებში, სამშენებლო ფიზიკის და საშენი მასალების კვლევის კათედრაზე; არის გერმანიის აკადემიური გაცვლების (DAAD) მუდმივი წევრი, 31 სამეცნიერო ნაშრომის ავტორი; მონაწილეობდა საერთაშორისო სიმპოზიუმებსა და სემინარებში; დაიცვა საკანდიდატო დისერტაცია 1976 წელს.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.717

• სამეცნიერო ექსპერიმენტის დაგეგმვა და მიღებული ექსპერიმენტალური შედეგების დამუშავება (თანაავტორი). - თბილისი, ტექნ. უნ-ტი, 2009. - 50გვ.
• პროცესები და აპარატები საშენი მასალების ტექნოლოგიაში : მეთოდ. მითითებები პრაქტ. სამუშ. შესასრულებლად (თანაავტორი). - თბილისი, ტექნ. უნ-ტი, 2009. - 30გვ.